ايماقتار • 16 شىلدە، 2020

ءۇرجاردا مەديتسينا قىزمەتكەرلەرىنە گۋمانيتارلىق كومەك كورسەتىلدى

35 رەت كورسەتىلدى

ءۇرجار اۋداندىق №2 اۋدانارالىق اۋرۋحاناسىنا ناۋقاستارعا ىدىس-اياق قۇرالدار مەن جاڭا ماتراستار تابىس ەتىلدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

شىعىس قازاقستان وبلىسى، ءۇرجار اۋدانى، ماقانشى اۋىلىنداعى بۇرىنعى تۋبەركۋلەز ديسپانسەرى عيماراتىندا پروۆيزورلىق-ستاتسيونارلىق ورىندار اشۋ بويىنشا ءتيىستى تالاپقا ساي جوندەۋ جۇمىستارى اياقتالدى. وسىعان بايلانىستى ءۇرجار اۋداندىق №2 پروباتسيا قىزمەتىنىڭ قىزمەتكەرلەرى جانە ەرىكتىلەر مەن "قابي" جانە "شورەك" شارۋا قوجالىقتاردىڭ باسشىلارىمەن بىرلەسىپ ءۇرجار اۋداندىق №2 اۋدانارالىق اۋرۋحاناسىنا ناۋقاستارعا ىدىس-اياق قۇرالدار مەن جاڭا ماتراستار تابىستالدى.

– ءبىز كەز كەلگەن كومەككە العىسىمىزدى بىلدىرەمىز. سەبەبى، ءدال قازىرگى ۋاقىتتا قولداۋ قاجەت. ءالى دە قورعانىس كۇرالدارى، رەسپيراتورلار جەتىسپەيدى. كەيبىر ءدارى-دارمەك تۇرلەرىنىڭ تاپشىلىعى دا بايقالادى. قيىن-قىستاۋ ساتتە مەديتسينا قىزمەتكەرلەرى قولداۋسىز قالمايدى. جاقىندا ايگۇل مەرعاليقىزىمەن ءۇرجار اۋداندىق №2 پروباتسيا قىزمەتىنىڭ وكىلدەرى جولىعىپ، كومەك كورسەتۋگە دايىن ەكەندىكتەرىن ءبىلدىرىپتى. بۇگىن سول گۋمانيتارلىق جاردەمدەرىن اكەلىپ وتىر، – دەدى ءۇرجار اۋداندىق №2 اۋدانارالىق اۋرۋحاناسىنىڭ باس دارىگەرىنىڭ ورىنباسارى ايگۋل مەرعاليقىزى.

ال ءۇرجار اۋداندىق №2 پروباتسيا قىزمەتى ءبولىمىنىڭ اعا يسنپەكتورى ديدار باجەنوۆ: "قازىر مەديتسينا قىزمەتكەرلەرى كۇن-ءتۇن دەمەي كوزگە كورىنبەيتىن ىندەتپەن كۇرەسىپ جاتىر. ولار الدىڭعى شەپتە ءجۇر. ماماندار ءار ناۋقاستى ەمدەپ شىعارۋ ءۇشىن بارلارىن سالۋدا. وسىعان بايلانىستى ءبىزدىڭ پروباتسيا قىزمەتىنىڭ ەرىكتىلەرىمەن اقىلداسىپ،وسىنداي قيىن ساتتە بۇگىنگى كۇننىڭ باتىرلارىنا كومەك كورسەتۋدى ءجون دەپ تاپتىق. يگى شارانى جالعاستىرامىز. الداعى ۋاقىتتا دا ماماندارعا قولداۋ كورسەتەمىز"، دەيدى ول.

بۇل پراۆيزورلىق ستاتسيونار شىلدەنىڭ 14-ءى كۇنى اشىلدى. ەمدەۋ مەكەمەسى 50 ورىنعا شاقتالعان. قازىر مۇندا توعىز ناۋقاس ەم قابىلداۋدا. ءار بولمەگە 2 ەكى ادامنان جاتقىزىلدى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار