ايماقتار • 22 ماۋسىم، 2020

ستۋدەنتتەردىڭ بوس ۋاقىتىن ۇيىمداستىرۋعا وراي سەمينار ءوتتى

22 رەت كورسەتىلدى

بىلىكتىلىكتى جەتىلدىرۋ جانە قاشىقتىقتان وقىتۋ ورتالىعىمەن ۇيىمداستىرىلعان "جاڭا رەالياداعى قاشىقتىقتان ءبىلىم بەرۋ: ماسەلەلەر، شەشۋ جولدارى" جازعى مەكتەپ اياسىندا تاربيە دەپارتامەنتىنىڭ باستاماسىمەن تاربيە جەتەكشىلەرىنە ارنالعان "قاشىقتىقتان وقىتۋ فورماتىندا ستۋدەنتتەردىڭ بوس ۋاقىتىن ۇيىمداستىرۋ" ونلاين-سەمينارى ءوتتى، - دەپ حابارلايدى Egemen.kz.

سەمينار جۇمىسىن تاربيە جۇمىسى جانە الەۋمەتتىك دامۋ جونىندەگى پرورەكتور جاناتبەك ىشپەكباەۆ اشىپ، قاشىقتىقتان وقىتۋ ۇدەرىسى بارىسىندا سوڭعى ءۇش ايدا ۋنيۆەرسيتەتىمىزدە جاستار اراسىندا ونلاين فورماتىندا ۇيىمداستىرىلعان شارالارعا توقتالىپ ءوتتى. توتەنشە جاعدايعا قاراماستان ۋنيۆەرسيتەت جاستارى قاشىقتىقتان ءبىلىم الۋلارىمەن قاتار الەۋمەتتىك جەلىلەردە بەلسەندىلىكتەرى ارتا تۇسكەندىگىن اتاپ ايتتى.

سەمينار سپيكەرلەرى ۋنيۆەرسيتەتتىڭ داۋمىنا پسيحولوگيالىق قولداۋ ورتالىعىنىڭ ديرەكتورى ءجاميليا نامازباەۆا، پەداگوگيكا كافەدراسىنىڭ پروفەسسورى ايمان بەرىكحانوۆا، جاس عالىمدار كەڭەسىنىڭ توراعاسى رۋسلان سەيتقازيەۆ ءوز كەزەگىندە اقپاراتتىق-پسيحولوگيالىق قاۋىپسىزدىك، بولاشاق پەداگوگ تۇلعاسىن قالىپتاستىرۋدىڭ تەتىكتەرى،كيبەركەڭىستىك، جاستاردىڭ الەۋمەتتىك بەلسەندىلىكتەرىن ارتىرۋ ماسەلەلەرى توڭىرەگىندە مازمۇندى باياندامالار جاساپ، ويلارىن ورتاعا سالدى.

 

 

 

سەمينارعا 80-گە جۋىق تاربيە جەتەكشىلەرى قاتىسىپ، سپيكەرلەرگە تۇلعانى تاربيەلەۋ، جاستاردىڭ ازاماتتىق جاۋاپكەرشىلىكتەرىن ارتتىرۋ ماسەلەلەرى بويىنشا ساۋالدارىن قويىپ، جان-جاقتى جاۋاپتارىن الدى.

سەمينار قورىتىندىسى بويىنشا قاتىسۋشىلار تاراپىنان جاستارعا ءالەۋمەتتىك-پسيحولوگيالىق كومەك، تاربيە جۇمىسىن ۇيىمداستىرۋدىڭ ۇتىمدى تۇستارى بويىنشا بىرقاتار ۇسىنىستار بەرىلدى. وسى ورايدا ۋنيۆەرسيتەت رەكتورى تاكير بالىقباەۆتىڭ باستاماسىمەن 2018 جىلدان بەرى ءداستۇرلى تۇردە ۇيىمداستىرىلىپ كەلە جاتقان قىسقى جانە جازعى مەكتەپتەر ۋنيۆەرسيتەت قىزمەتكەرلەرى مەن وقىتۋشىلار قۇرامىنا ءوز بەتىنشە بىلىمدەرىن جەتىلدىرۋگە سەپتىگىن تيگىزىپ كەلەتىندىگىن ايتا كەتكەن ابزال

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

ۇقساس جاڭالىقتار