اباي • 22 اقپان، 2020

اباي مۇراسى ماڭگىلىك

88 رەتكورسەتىلدى

ەلورداداعى دوستىق ۇيىندە نۇر-سۇلتان قالاسى قازاقستان حالقى اسسامبلەياسىنىڭ جانە قالالىق «راديما» بەلارۋس مادەني ورتالىعى قوعامدىق بىرلەستىگىنىڭ ۇيىمداستىرۋىمەن حالىقارالىق انا ءتىلى كۇنىنە ارنالعان «اباي جانە كوپتىلدىلىك» اتتى دوڭگەلەك ۇستەل وتىرىسى وتكىزىلدى. بۇل تۋرالى  نۇر-سۇلتان قالاسى اكىمدىگىنىڭ جانىنداعى «قوعامدىق كەلىسىم» كمم ءباسپاسوز قىزمەتى حابارلادى.

جيىنعا قازاقستان رەسپۋبليكاسىنداعى بەلارۋس رەسپۋبليكاسى ەلشىلىگىنىڭ كونسۋلى ي.و. يۆانوۆ، سونداي-اق قازاقستان-بەلارۋس عىلىمي-تەحنيكالىق ىنتىماقتاستىق ورتالىعىنىڭ جانە پومور اكادەمياسىنىڭ ا. قۇنانباەۆ اتىنداعى مادەنيەت ورتالىعىنىڭ مارتەبەلى وكىلدەرى، ەلوردامىزداعى ەتنومادەني بىرلەستىكتەردىڭ توراعالارى، جالپى شىعارماشىلىق ينتەلليگەنتسيا مەن ەلىمىزدەگى جانە شەتەلدەگى بەلگىلى جوعارعى وقۋ ورىندارىنىڭ ستۋدەنتتەرى قاتىستى.

كۇن تارتىبىندەگى اۋقىمدى تاقىرىپتىڭ ماڭىزىن اشىپ كورسەتكەن نۇر-سۇلتان قالاسىنداعى «راديما» بەلارۋس مادەني ورتالىعى قوعامدىق بىرلەستىگىنىڭ توراعاسى دميتري وستانكوۆيچ انا ءتىلىن ءبىلۋ ءاربىر ازاماتتىڭ پارىزى ەكەنىن اتاپ ءوتىپ، جالپى قازاقستاندا تىلدەردىڭ دامۋىنا تولىق جاعداي جاسالىپ وتىرعانىن ماقتانىش سەزىممەن جەتكىزدى.

قازاقستان حالقى اسسامبلەياسى توراعاسىنىڭ ورىنباسارى، ەلوردامىزداعى وزبەك ەتنومادەني ورتالىعى قوعامدىق بىرلەستىگىنىڭ توراعاسى ش. پۋلاتوۆ ەلىمىزدە تىلدەردىڭ دامۋىنا قاتىستى بىرقاتار جۇمىستاردىڭ اتقارىلعانىن مالىمدەپ، ءار ءتىلدىڭ عىلىمي دامۋى ەرەكشەلىگىنە باسىمدىق بەردى. بۇل جونىندە باس قالامىزدا ارنايى وقۋ كابينەتتەرى اشىلعان جانە ونىڭ جۇمىستارى ءتيىستى دارەجەدە جۇرگىزىلىپ كەلەدى.

دوڭگەلەك ۇستەل باسىندا ءسوز سالعان قازاقستان رەسپۋبليكاسىنداعى بەلارۋس رەسپۋبليكاسى ەلشىلىگىنىڭ كونسۋلى يگور يۆانوۆ قازاقستاندا يگىلىكتى ىستەردىڭ اتقارىلىپ جاتقانىن مالىمدەپ، الەمدىك دارەجەدە كەڭ تانىمال بولعان اباي قۇنانباەۆ الەمىنە تەرەڭ بويلادى: «اباي بۇكىل ءدۇيىم جۇرتقا اتى ءمالىم دارا تۇلعا. ول بارشا ادامزات بالاسىنىڭ جەتكىلىكتى دارەجەدە وقىپ-ۇيرەنگەنىن بار ىقىلاسىمەن قالاعان ادام. عىلىمدى يگەرمەي، ەشقانداي دا ءوڭىمدى ەڭبەك بولمايتىنىن ايتقان. سوندىقتان بارشامىز وسىعان اسا ءمان بەرۋىمىز كەرەك»،- دەدى ول.

جيىندا قازاقستان-بەلارۋس عىلىمي-تەحنيكالىق ىنتىماقتاستىق ورتالىعىنىڭ ديرەكتورى، بيولوگيا عىلىمدارىنىڭ دوكتورى، پروفەسسور ە. تازابەكوۆا، ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى قازاقستان تاريحى كافەدراسىنىڭ پروفەسسورى گ. مۋسابالينا، م.تانك اتىنداعى بەلارۋس مەملەكەتتىك پەداگوگيكالىق ۋنيۆەرسيتەتىنىڭ ستۋدەنتتەرى ن. راچيلوۆسكي جانە ك. ۆلاديسلاۆ، پومور اكادەمياسىنىڭ (پولشا) ا. قۇنانباەۆ اتىنداعى مادەنيەت ورتالىعىنىڭ وكىلى س. دوروتا، ەلوردامىزداعى ەتنومادەني بىرلەستىكتەر وكىلدەرى مەن تاعى باسقا بىرقاتار ازاماتتار جالپى تىلدەرگە قاتىستى، سونىڭ ىشىندە اباي مۇرالارى تۋرالى كەڭىنەن اڭگىمەلەدى.

پولشا رەسپۋبليكاسى ەلىمىزدەگى بەلگىلى جوعارى وقۋ ورىندارىمەن تىعىز قارىم-قاتىناستا ەكەن. ءتىپتى پولشاداعى ۋنيۆەرسيتەت رەكتورىنىڭ كابينەتىندەقازاقتىڭ دومبىراسى ءىلۋلى تۇر دەگەن اقپاراتتى ەستىپ بىلدىك. ال ەرەۆانداعى ۋنيۆەرسيتەتتە قازاق ءتىلى مەن تاريحى وقىتىلادى.

بيىل ەلىمىزدە ا. قۇنانباەۆتىڭ 175 جىلدىعى اتاپ وتىلەدى. وسىعان وراي، بۇل جىلدىڭ ماڭىزى وتە وراسان. اباي ءىلىمى-ماڭگىلىك. ونىڭ عيبراتتى ءتالىمى ادامزات بالاسىن باۋىرمالدىققا، دوستىققا باۋليدى. ەل دامۋى ءۇشىن وزىق ساپالى ءبىلىم مەن عىلىم باستى ورىندا تۇراتىنى ءمالىم. جيىندا وسى ماسەلەلەر جان-جاقتى ءسوز بولىپ، قازاقستاندىقتاردىڭ بىرلىگىن ودان ءارى ارتتىرا بەرۋگە ماڭىز بەرىلدى.

تاعىلىمدىق ءمانى بار يگى شارادا اباي شىعارمالارى ارميان، قىرعىز، سونداي-اق ول بىرنەشە تىلدەردە وقىلىپ،كەشتىڭ ءسانىن ودان ءارى اشا ءتۇستى. وسى كەشتە العاش رەت ا. قۇنانباەۆتىڭ «كوزىمنىڭ قاراسى»  شىعارماسى پولياك تىلىندە شىرقالدى.  

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار