حوككەي • 24 جەلتوقسان، 2019

جەڭىستى جولىن جالعاستىرا المادى

7 رەتكورسەتىلدى

قۇرلىقتىق حوككەي ليگاسىندا (قحل) سىنعا ءتۇسىپ جاتقان ەلوردانىڭ «با­رىس» كلۋبى ماسكەۋدىڭ «سپارتاك» كو­مان­داسىنان جەڭىلىپ قالدى.

«بارىس» ويىنشىلارى وسىدان بىرەر كۇن بۇرىن ماسكەۋ وبلىسىنىڭ «ۆيتياز» كلۋبىنان 5:2 ەسەبىمەن باسىم تۇسكەنىمەن، جەكسەنبى كۇنى قحل-ءدىڭ «باتىس» كونفەرەنتسياسىندا 5-ورىندا كەلە جاتقان «سپارتاك» كومانداسىنا 3:1 ناتيجەسىمەن ەسە جىبەردى. ءبىرىنشى كەزەڭدە ايدىن يەلەرىنەن يليا زۋبوۆ مەرگەندىگىمەن كوزگە تۇسسە، ەكىنشى كەزەڭدە ار­تەم فەدوروۆ ەسەپتى 2:0-گە جەتكىزدى. ەكىن­­شى 20 مينۋتتا «بارىس» ساپىنان اركا­دي شەستاكوۆ تابلوداعى كورسەتكىشتى ءبىر شايباعا قىسقارتقانىمەن، ءۇشىنشى كە­زەڭدە «سپارتاك» ويىنشىسى الەكساندر حوحلاچەۆ كومانداسىنىڭ ءۇشىنشى گولىن سوعىپ، ماتچتىڭ نۇكتەسىن قويدى. وسىلايشا ءتورت ويىنعا سوزىلعان «بارىستىڭ» جەڭىستى جولىن «سپارتاك» كەستى.

ەلوردا كومانداسى كەلەسى كەزدەسۋىن 25 جەلتوقساندا سانكت-پەتەربۋرگتىڭ سكا كلۋ­بىنا قارسى وتكىزەدى. ماتچ نۇر-سۇل­تان قالا­سىنداعى «بارىس ارەنا» سپورت كەشەنىندە وتەدى.

 

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار