Cۋرەتتى تۇسىرگەن رافحات حالەلوۆ
توقسانىنشى جىلدارى الماتى قالاسىنىڭ تەاترسۇيەر جۇرتشىلىعى عابيت مۇسىرەپوۆ اتىنداعى قازاق اكادەميالىق بالالار مەن جاسوسپىرىمدەرگە ارنالعان تەاترى ساحنالاعان ءسۇلتانالى بالعاباەۆتىڭ «ەڭ ادەمى كەلىنشەك» قويىلىمىنا قالماي باراتىن. اسىرەسە باستى رولدەگى گۇلبارشىن – اسەل مامبەتوۆانىڭ ونەرى كورەرمەندى ەرەكشە اسەرگە بولەيتىن. اكتريسانىڭ مەملەكەتتىك «دارىن» سىيلىعىنا يە بولعان جىلدارى دا سول كەز.
ءا.ابىشەۆتىڭ ء«مادي» ء(دىلدار), ۋ.شەكسپيردىڭ «جازعى تۇندەگى ءتۇس» (گەرميا), ا.پ.چەحوۆتىڭ «چايكا» (نينا زارەچنايا), ف.وڭعارسىنوۆانىڭ «باقىت پەن قايعى» (اقىنقىز), س.اسىلبەكوۆتىڭ «رابيعىنىڭ ماحابباتى» (روزا); I.جانسۇگىروۆتىڭ «يساتاي-ماحامبەت», ع. مۇسىرەپوۆتىڭ «قوزى كورپەش - بايان سۇلۋ» (كۇنىكەي) جانە باسقا سپەكتاكلدەردە باستى رولدەردى سومداعان اسەل مامبەتوۆا «ەرەن ەڭبەگى ءۇشىن» مەدالىنىڭ يەگەرى اتاندى. 2000 جىلدان بەرى تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ دوتسەنتى, اعا وقىتۋشىسى بولىپ, ونەر جولىن قۋعان شاكىرتتەرىنە ءتالىم-تاربيە بەردى.
سوڭعى جىلدارى اسەل يمانعاليقىزى ءوزىنىڭ تۋعان جەرى – باتىس قازاقستان وبلىسىنا ورالعان بولاتىن. بۇگىندە حاديشا بوكەەۆا اتىنداعى قازاق دراما تەاترىندا قىزمەت ەتەتىن اكتريسا وقىتۋشىلىق قىزمەتىن دە جالعاستىرىپ كەلەدى. ساحنا شەبەرىنىڭ 60 جىلدىعىنا وراي وتكەن شىعارماشىلىق كەشتە اسەل مامبەتوۆا ماحامبەت وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتىنىڭ «قۇرمەتتى پروفەسسورى» اتاعىمەن جانە «قۇرمەت گراموتاسىمەن» ماراپاتتالدى.
ۋنيۆەرسيتەتتىڭ سالتانات زالىندا وتكەن سىرلى كەشتە اسەل يمانعاليقىزى ءوز كورەرمەنىنە ەسەپ بەرگەندەي بولدى. ءوزى ءتالىم بەرەتىن رەجيسسۋرا ماماندىعىنىڭ ستۋدەنتتەرىمەن بىرگە قويعان «اق جايىق» سازدى-حورەوگرافيالىق كومپوزيتسياسىن جيىلعان جۇرتشىلىق ىقىلاسپەن قابىلدادى.
باتىس قازاقستان
