«استانا» فۋتبول كلۋبى ءۇشىنشى كەزەڭدە مالتانىڭ «ۆاللەتتا» كومانداسىمەن كەزدەسەدى. ەلوردالىقتار پلەي-وففتىق كەزەڭىنە شىعىپ جاتسا, بوسنيالىق «ساراەۆو» نەمەسە بەلارۋستىڭ باتە كوماندالارىنىڭ بىرىمەن شەبەرلىك بايقاسادى.
ءۇشىنشى كەزەڭ ويىندارى 8 جانە 15 تامىزدا, ال پلەي-وفف باسەكەسى 22 جانە 29 تامىزدا وتەدى. ەلوردالىقتار ءبىرىنشى كەزدەسۋدى ءوز الاڭىندا ويناماق. الدا-جالدا «استانا» جەڭىسكە جەتىپ جاتسا, كەلەسى اينالىمدى دا «ارەنادان» باستايدى.
بۇعان دەيىن «استانا» كلۋبى باتە-مەن ءبىر مارتە كەزدەسكەن بولاتىن. 2016 جىلى ەۋروپا ليگاسى اياسىندا وتكەن ويىندا استانالىقتار ءوز الاڭىندا 2:0, سىرت الاڭدا 2:2 ەسەپتەرىمەن جەڭىسكە جەتكەن ەدى.
