پروكۋراتۋرا مالىمەتىنشە, زاڭبۇزۋشىلىق «ۆەتەرينارلىق قىزمەت» شجق مكك قىزمەتىن تەكسەرۋ بارىسىندا انىقتالعان.
تەرگەۋ دەرەكتەرىنە سايكەس, 2022–2025 جىلدار ارالىعىندا مەكەمە باسشىلارى مەن جاۋاپتى قىزمەتكەرلەرى مەملەكەتتىك ساتىپ الۋ كەزىندە تولەم قۇجاتتارىنا ادەيى جالعان مالىمەت ەنگىزىپ, بيۋدجەت قاراجاتىن زاڭسىز اۋدارىپ وتىرعان.
ولار كاسىپكەرلەرگە قاراجات اۋدارۋ بارىسىندا وزدەرىنىڭ ەلەكتروندى تسيفرلىق قولتاڭبالارىن (ەتسق) پايدالانعان. ال زاڭسىز ارەكەتتەردى جاسىرۋ ءۇشىن تولەم تاپسىرمالارىندا بىردەي جسن كورسەتىپ, تەك ۇيىم اتاۋلارىن وزگەرتىپ وتىرعان.
الايدا شىن مانىندە كورسەتىلگەن كومپانيالار قىزمەت كورسەتپەگەن جانە تاۋار جەتكىزبەگەن. سونىڭ سالدارىنان مەملەكەتكە ءىرى كولەمدە زالال كەلتىرىلگەن.
اتالعان فاكتى بويىنشا قىلمىستىق كودەكستىڭ 189-بابى 4-بولىگىمەن ءىس قوزعالىپ, سوتقا دەيىنگى تەرگەۋ جۇمىستارى باستالدى.
2026 جىلعى 26 ناۋرىزدا ءتورت ادام — ۆەتقىزمەتتىڭ ەكى بۇرىنعى باسشىسى, ورىنباسارى جانە باس ەسەپشىسى كۇدىكتى رەتىندە تانىلىپ, قاماۋعا الىندى.
قازىرگى ۋاقىتتا وزگە دە تۇلعالاردىڭ قاتىسى تەكسەرىلىپ جاتىر. تەرگەۋ مۇددەسىنە بايلانىستى قوسىمشا اقپارات جاريالانبايدى.
اقتوبە وبلىسىندا شەنەۋنىك پەن ەكى دەپۋتات 672 ملن تەڭگە جىمقىرعان
