2019 جىلدىڭ «The Best» ماراپاتىن الۋعا بيىل ون فۋتبولشى ۇمىتكەر اتانعان. ءبىر قىزىعى, بىلتىرعى «ۇزدىك فۋتبولشى» لۋكا مودريچ بيىلعى تىزىمگە ىلىنبەي قالعان. ون ۇمىتكەردىڭ ءتىزىمى تومەندەگىدەي: كريشتيانۋ رونالدۋ, ماتتەيس دە ليگت (ەكەۋى دە – «يۋۆەنتۋس»), فرەنكي دە يونگ, ليونەل مەسسي (ەكەۋى دە – «بارسەلونا»), حارري كەين («توتتەنحەم»), ەدەن ازار («رەال»), كيليان مباپپە (پسج), سادو مانە, موحاممەد سالاح جانە ۆيردجيل ۆان دەيك (ۇشەۋى دە – «ليۆەرپۋل»). ۇمىتكەرلەر 2018 جىلدىڭ 16 شىلدەسى مەن 2019 جىلدىڭ 19 شىلدەسىنە دەيىنگى ناتيجەلەرىنە قاراپ تاڭداپ العان.
فيفا جىل لاۋرەاتى 23 قىركۇيەكتە ميلانداعى (يتاليا) «لا سكالا» وپەرا تەاترىندا وتەتىن سالتاناتتى راسىمدە بەلگىلى بولماق. جىل ۇزدىگىن ۇلتتىق قۇرامالاردىڭ باس باپكەرلەرى, كاپيتاندارى, سپورت جۋرناليستەرى جانە جانكۇيەرلەر داۋىس بەرۋ ارقىلى انىقتايدى.
