قوعام • 15 ءساۋىر، 2019

ارحيۆتانۋ جانە ءىس جۇرگىزۋدى ۇيىمداستىرۋ بويىنشا IV قالالىق ستۋدەنتتىك وليمپيادا بولىپ ءوتتى

965 رەت كورسەتىلدى

قازاقستان رەسپۋبليكاسى پرەزيدەنتىنىڭ ارحيۆىندە ارحيۆتانۋ جانە ءىس جۇرگىزۋدى ۇيىمداستىرۋ بويىنشا IV قالالىق ستۋدەنتتىك وليمپيادا بولىپ ءوتتى. وليمپيادا جاستار جىلى جانە «ارحيۆ – 2025» مەملەكەتتىك باعدارلاماسى اياسىندا ستۋدەنتتەردىڭ شىعارماشىلىق قابىلەتىمەن قاتار، ارحيۆشى جانە قۇجاتتانۋشى ماماندىعىنىڭ ماڭىزدىلىعىن ارتتىرۋعا باعىتتالعان.

قازاقستان رەسپۋبليكاسى پرەزيدەنتىنىڭ ارحيۆىندە ارحيۆتانۋ جانە ءىس جۇرگىزۋدى ۇيىمداستىرۋ بويىنشا IV قالالىق ستۋدەنتتىك وليمپيادا بولىپ ءوتتى. وليمپيادا جاستار جىلى جانە «ارحيۆ – 2025» مەملەكەتتىك باعدارلاماسى اياسىندا  ستۋدەنتتەردىڭ شىعارماشىلىق قابىلەتىمەن قاتار، ارحيۆشى جانە قۇجاتتانۋشى ماماندىعىنىڭ ماڭىزدىلىعىن ارتتىرۋعا باعىتتالعان.

ءىس-شارانىڭ العىسوزىندە قازاقستان رەسپۋبليكاسى پرەزيدەنتى ءارحيۆىنىڭ ديرەكتورى  ءجاميلا ابدىقادىروۆا وليمپيادانىڭ وتكىزىلۋى قر تۇڭعىش پرەزيدەنتى ن.ءا. نازارباەۆتىڭ « ۇلى دالانىڭ جەتى قىرى» اتتى باعدارلامالىق ماقالاسىن ىسكە اسىرۋ  جانە جاستار جىلى شەڭبەرىندە ستۋدەنتتەردىڭ عىلىمعا بەلسەندىلىگىن دامىتۋ جانە ولارعا بولاشاقتا ارحيۆ ماماندىعى بويىنشا جۇمىس جاساۋعا ىقپال ەتۋ ماقساتىندا وتكىزىلىپ وتىرعانىن اتاپ ءوتتى.

پرەزيدەنت ءارحيۆىنىڭ ساراپشىسى سىمبات شايجانوۆانىڭ ايتۋىنشا، پرەزيدەنت ارحيۆىندە جوعارى وقۋ ورنىنىڭ تۇلەگى كاسىبي باعدار الۋى ءۇشىن كوپ جۇمىستار اتقارىلۋدا: تاريح فاكۋلتەتتەرىنىڭ ستۋدەنتتەرى ءۇشىن وندىرىستىك تاجىريبە وتكىزىلىپ، ارحيۆ وقۋ زالىندا ارحيۆتىك قۇجاتتار نەگىزىندە كۋرستىق جانە ديپلومدىق جۇمىستارىنا زەرتتەۋ جۇمىستارىن جۇرگىزەدى.

وليمپياداعا ءال-فارابي اتىنداعى قازاق ۇلتتىق ۋنيۆەرسيتەتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ تاريح، ارحيۆتانۋ، قۇجاتتاردى جۇرگىزۋ جانە باسقارۋدى قۇجاتتامالىق قامتاماسىز ەتۋ، فيلولوگيا ماماندىقتارى ستۋدەنتتەرىنەن قۇرالعان 6 كوماندا قاتىستى.

وليمپيادانىڭ باسىندا جەرەبە تاستالىپ، كوماندا كاپيتاندارى تاڭداعان ءنومىر بويىنشا ونەر كورسەتتى. العاشقى تۋر «تانىستىرۋ» دەپ اتالىپ، وندا ستۋدەنتتەر كوماندا اتاۋى مەن ەمبلەماسىن جانە ونىڭ مۇشەلەرىن تانىستىردى. ال «ءۇي تاپسىرماسى» دەپ اتالاتىن ەكىنشى تۋردا ستۋدەنتتەر « ۇلى دالانىڭ جەتى قىرى» جانە وتان تاريحى ماسەلەلەرى، «ارحيۆ ءىسىن جانە ءىس جۇرگىزۋدى تسيفرلاندىرۋ: پروبلەمالارى مەن پەرسپەكتيۆالارى» اتتى عىلىمي باعىتتا دايىندالعان زەرتتەۋ جوبالارىن قورعادى. كوماندالاردىڭ جوبا تاقىرىپتارى: «قازاقستاندا بيزنەس ارحيۆتەردى قالىپتاستىرۋ: پەرسپەكتيۆالارى مەن ماسەلەلەرى»، «ەدو كازاحستانا ي كيتايا: سراۆنيتەلنىي اناليز»، «ينتەرنەت سايتتارىندا ارحيۆ كورمەلەرىن ۇيىمداستىرۋ»، «الاش زيالىلارىنىڭ ۇلتتىق تاربيە مەن ءبىلىم بەرۋدەگى كوزقاراستارى جانە بۇگىنگى زامان» دەپ اتالىپ، ستۋدەنتتەر تاقىرىپ بويىنشا ءوز ۇسىنىستارىن جاسادى.

ارحيۆتانۋ جانە ءىس جۇرگىزۋدى ۇيىمداستىرۋ بويىنشا IV قالالىق ستۋدەنتتىك وليمپيادادا ءال-فارابي اتىنداعى قازاق ۇلتتىق ۋنيۆەرسيتەتىنىڭ «قازىنا» كومانداسى ءى ورىندى، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ  «قازانات» كومانداسى ءىى ورىندى، «امانات» كومانداسى ءىىى ورىندى يەلەندى. سونىمەن قاتار، «Smart students» كومانداسى «ەڭ ۇزدىك تانىستىرىلىم»، «پرومەتەي» كومانداسى «وزەكتى تاقىرىپ»، «اسىل مۇرا» كومانداسى «يننوۆاتسيالىق تاقىرىپ» نوميناتسياسىنا يە بولدى. قاتىسۋشى كوماندالارعا قارجىلاي جانە ەستەلىك سىيلىقتار، ال جەتەكشىلەرىنە العىس حات تابىس ەتىلدى. سونداي-اق، وليمپياداعا قاتىسقان ءار ستۋدەنتكە سەرتيفيكات بەرىلدى.

كوماندالاردىڭ جۇمىسىن اكىمشىلىك جانە اقپاراتتىق تەحنولوگيالار ينستيتۋتى، قر ورتالىق مەملەكەتتىك ءارحيۆى، قر ورتالىق مەملەكەتتىك كينو-فوتو قۇجاتتار مەن دىبىس جازبالار ءارحيۆى، قر ورتالىق مەملەكەتتىك عىلىمي-تەحنيكالىق قۇجاتتاما ءارحيۆى، الماتى قالاسى ورتالىق مەملەكەتتىك ءارحيۆىنىڭ قىزمەتكەرلەرى باعالادى.

سوڭعى جاڭالىقتار

ۇقساس جاڭالىقتار