«ساتۋشىلار» ءوزىنىڭ شوتىنا اقشا تۇسىسىمەن جىم-جىلاس جوق بولادى. رۋدنىي قالاسىندا تۇراتىن 38 جاسار ايەل الاياقتىڭ بانكتەگى شوتىنا 130 مىڭ تەڭگە اۋدارعان. ايەل جەڭىل ماشيناسىنا دۆيگاتەل الماقشى بولعان. ول اقشانى اۋدارىسىمەن تاۋار دا كەلمەگەن, «ساتۋشى» دا ءىزىم-قايىم جوق بولعان, جاۋاپ بەرمەگەن. تاعى ءبىر تۇرعىن ءوزىنىڭ تونىن ساتقىسى كەلىپ, ونى كەڭ تاراعان ولح سايتىنا شىعارادى دا, ءوزىنىڭ ۇيالى تەلەفونىنىڭ ءنومىرىن كورسەتەدى. وعان وسى ءنومىر ارقىلى الاياق قوڭىراۋ شالادى دا, ءوزىنىڭ تونعا تولەيتىن اقشاسىن ساتۋشىنىڭ بانكتەگى شوتىنا سالۋدى ۇسىنادى. سنىمەن قاتار ونىڭ ينتەرنەت –بانكينگتەگى SMS-ءپارولىن دە سۇراپ الادى. وسىدان كەيىن زارداپ شەگۋشىنىڭ بانكتەگى جەكە شوتىندا جاتقان قارجىسىنىڭ بارلىعىن الاياق الىپ كەتەدى. قازىر پوليتسەيلەر سوتقا دەيىنگى تەرگەۋ جۇمىستارىن جۇرگىزۋدە.
«قازىر ينتەرنەت-الاياقتار وتە بەلسەندى جۇمىس ىستەيدى. ولار سوڭعى كەزدە ادامداردىڭ بانكتەگى شوتىن, ەلەكتروندىق قۇپيا سوزدەرىن ءبىلىپ الادى دا, شابۋىل جاسايدى. سوندىقتان سايتتار مەن الەۋمەتتىك جەلىلەردە اۆتوبولشەكتەردى, ۇيالى تەلەفونداردى, باسقا دا تاۋارلاردى ارزان باعامەن ۇسىنعاندا ونىڭ اقىسىن بانك شوتتارى مەن ەلەكتروندىق ء«اميان» ارقىلى اۋدارۋعا بولمايدى, ينتەرنەت الاياقتارى وسى ارقىلى تورىنا تۇسىرەدى» دەيدى وبلىستىق پوليتسيا دەپارتامەنتى قىلمىستىق پوليتسياسىنىڭ اعا جەدەل ۋاكىلى, پوليتسيا كاپيتانى ايدار مۋسين.
سونىمەن قاتار پوليتسەيلەر ينتەرنەت ارقىلى نەسيە راسىمدەۋگە بولمايتىنىن, نەسيەنى تەك قازاقستان رەسپۋبليكاسىنداعى بانكتەردىڭ ارنايى وكىلدەرى عانا راسىمدەيتىنىن ەسكەرتەدى. ينتەرنەت جانە تەلەفون ارقىلى تاۋار الۋدى راسىمدەمەۋگە كەڭەس بەرەدى.
ءنازيرا جارىمبەت,
«ەگەمەن قازاقستان»
قوستاناي
