مينيسترلىك, قازاقستانداعى بۇۇدب, پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا, قازاقستانداعى ادب, CSI «ستراتەگيالىق باستامالار ورتالىعى), «استانا» حالىقارالىق عىلىمي كەشەنىنىڭ باسەكەگە قابىلەتتىلىك ورتالىعى, «ساراپشىلاردىڭ ينكليۋزيۆتىك قوعامداستىعى – قالاعا قۇقىق» رمقب, قازاقستانداعى دۇنيەجۇزىلىك بانك وكىلدەرى سپيكەر رەتىندە قاتىستى.
ءىس-شاراعا قاتىسۋشىلار ەكونوميكالىق ءوسۋ, يندۋستريالاندىرۋ, يننوۆاتسيالار ەنگىزۋ, تابىس تەڭسىزدىگىن تومەندەتۋ, لايىقتى جۇمىسپەن قامتاماسىز ەتۋ, سونداي-اق «وركەندەۋ» باعىتى بويىنشا قالالار مەن ەلدى مەكەندەردىڭ ورنىقتىلىعى سەكىلدى وزەكتى ماسەلەلەردى تالقىلادى.
ۇلتتىق ەكونوميكا ۆيتسە-ءمينيسترى ءمادينا جۇنىسبەكوۆا سەسسيانى اشا كەلىپ, بىرىككەن ۇلتتار ۇيىمىنىڭ قىزمەتى مەن بۇۇ تۇراقتى دامۋ ماقساتى حالىقارالىق ارىپتەستىكتى نىعايتىپ, ەكونوميكالىق جانە الەۋمەتتىك ءوسىمنىڭ, بولاشاق ۇرپاقتىڭ جايلى ءومىرىنىڭ بەرىك نەگىزىن قۇراتىنىن اتاپ ءوتتى.
«قازاقستاننىڭ الدىنا دا وسىنداي مىندەتتەر قويىلعان. مەملەكەت باسشىسى اتاپ كورسەتكەندەي, ءبىزدىڭ ستراتەگيالىق جانە باعدارلامالىق قۇجاتتارىمىز تولىقتاي تدم-مەن ۇندەس. كۇن تارتىبىندە حالىقتىڭ ءال-اۋقاتىن ارتتىرۋ, ەكونوميكالىق ءوسۋ جانە ەكولوگيالىق جاعدايدى جاقسارتۋ جونىندەگى كەشەندى مىندەتتەر تۇر», دەدى ءمادينا جۇنىسبەكوۆا.
ۆيتسە-ءمينيستردىڭ ايتۋىنشا, 2030 جىلعا دەيىنگى تۇراقتى دامۋ سالاسىنداعى كۇن ءتارتىبى – جاھاندىق باعدارلاما,ونىڭ تابىستى ىسكە اسىرىلۋى ءۇشىن بارلىق قوعامنىڭ, ونىڭ ىشىندە, ۇكىمەتتىك ەمەس سەكتوردىڭ دا بىرىگۋى ماڭىزدى.
ءمادينا جۇنىسبەكوۆا بۇگىندە ۇكىمەتتىك ەمەس ۇيىمدار قازاقستانداعى ازاماتتىق قوعامنىڭ اناعۇرلىم دامىعان ينستيتۋتىنىڭ ءبىرى عانا ەمەس, سونىمەن بىرگە مەملەكەتتىڭ سەنىمدى ارىپتەسى دە بولىپ تابىلاتىنىن اتاپ كورسەتتى. ويتكەنى ولار ءتۇرلى ەكونوميكالىق جانە الەۋمەتتىك پروبلەمالاردى شەشۋگە قوماقتى ۇلەس قوسۋدا.
