«تاڭەرتەڭ جۇمىسقا تاكسيمەن كەلە جاتىپ, بايماعامبەتوۆ كوشەسىندەگى ءبىر ءۇيدىڭ تەرەسىنەن قويۋ ءتۇتىن شىعىپ جاتقانىن كوردىم دە, دەرەۋ ماشينانى توقتاتىپ, ءوزىم ۇيگە قاراي جۇگىرىپ كەتتىم, ال تاكسيستكە «جەدەل جاردەم» مەن پولليتسياعا حابارلاۋىن ءوتىندىم» دەيدى جەدەل ارەكەت ەتۋ ارنايى جاساعىنىڭ قىزمەتكەرى تەمىربولات شۇلەمباەۆ.
پوليتسەي ءۇيدىڭ قاقپاسىن قاعىپ ەدى, ەشكىم جاۋاپ بەرمەدى. ول قاقپادان سەكىرىپ تۇسكەندە ەسىكتىڭ الدىنداعى تارسىلدى ەستىگەن ءۇيدىڭ يەسى ايەل جۇگىرىپ شىقتى. قورقىپ كەتكەن ايەل, ۇيدە كۇيەۋى مەن ەكى بالاسىنىڭ قالىپ قويعانىن ايتتى. پوليتسەي كوپ ويلانىپ جاتپايدى, دەرەۋ ۇيگە كىرىپ, ەر كىسى مەن بالالاردى الىپ شىقتى. بۇل كەزدە تاكسيست دە قايتا ورالعان ەدى, ول دا كومەك بەردى. پوليتسەي دەرەۋ ءۇيدىڭ يەسىنە قۇجاتتاردى الىپ شىعۋ كەرەكتىگىن ايتىپ, ونى بىرگە ىزدەستى. ول قايتا كىرىپ, كورپەلەر مەن بالالاردىڭ كيىمىن الىپ ۇلگەردى. پوليتسەي ءبىر ءۇيلى جاندى امان-ەسەن الىپ شىققاندا, ءورت سوندىرۋشىلەر دە كەلىپ, وتتى اۋىزدىقتادى. «جەدەل جاردەم» دارىگەرلەرى وتتان امان قالعان وتباسىنا كومەك كورسەتتى.
وتباسىن ءتىلسىز جاۋدان امان الىپ قالعان سوڭ, ول بىرنەشە مينۋتتان كەيىن جۇمىسىندا وتىردى. ءىىم ش.قابىلباەۆ اتىنداعى قوستاناي اكادەمياسىن ەندى عانا بىتىرگەن جاس جىگىت قىراعىلىعىنىڭ ارقاسىندا ءتورت بىردەي ادامدى اجالدان اراشالاپ قالدى. قىس مەزگىىندە جەكە سەكتورداعى ۇيلەردە ورتتەن, ءيىس تيۋدەن ادامدار باقىتسىزدىققا ۇشىراپ جاتادى. وكىنىشكە قاراي, وت قاشان كۇش الىپ كەتكەنشە اينالاداعى ادامدار ءتۇتىننىڭ نەگە شىعىپ جاتقانىنا ءمان بەرمەيدى. جاس پوليتسەيدىڭ قىراعىلىعى باقىتسىزدىققا جول بەرگەن جوق.
«مەن تەك ءوزىمنىڭ قىزمەتتىك بورىشىمدى ورىندادىم», دەيدى تەمىربولات.
ءنازيرا جارىمبەت,
«ەگەمەن قازاقستان»
قوستاناي
