ء«بىز قازىر باس پروكۋراتۋرامەن, “اتامەكەن” ۇكپ-مەن بىرلەسىپ بارلىق ەلەكتر ستانتسيالارىنىڭ ءتيىستى شىعىندارىن تەكسەرىپ جاتىرمىز. كەيبىر ستانتسيالاردا تاريفتەر 25%-عا تومەندەتىلۋى مۇمكىن, ال كەيبىر ستانتسيالاردا تومەندەتۋ ودان از بولۋى مۇمكىن. مىسالى, وڭتۇستىك وڭىرلەردە گازبەن جۇمىس ىستەيتىن ستانتسيالاردا تاريفتەر سول دەڭگەيدە قالۋى مۇمكىن. قازىر تالداۋ جۇرگىزىلىپ جاتىر», — دەدى ەنەرگەتيكا ۆيتسە-ءمينيسترى.
ونىڭ ايتۋىنشا, تاريفتەردىڭ كوتەرىلۋى ينۆەستيتسيالىق جۇمىستارعا بايلانىستى بولعان. وسىعان بايلانىستى, قازىرگى كەزدە وسىعان دەيىن قابىلدانعان بارلىق ينۆەستيتسيالىق باعدارلامالار قايتا قارالىپ جاتىر.
«قازىر ءبىز تاريفتەردى تومەندەتۋ ماسەلەسىن قاراستىرۋدامىز, ونى كەلەسى جىلعا قالدىرۋعا بولا ما, وسى ماقساتتارعا ارنالعان باسقا قاراجات ىزدەستىرۋ مۇمكىن بە جانە تاعى باسقا ماسەلەلەردى قاراستىرۋدامىز. شەشىم 10 كۇن ىشىندە قابىلدانادى», — دەدى س. ەسىمحانوۆ.
سونىمەن قاتار, ول تاريفتەردىڭ ودان ءارى وسۋىنە جول بەرمەۋ ءۇشىن جۇمىس جۇرگىزىلىپ جاتقانىن اتاپ ءوتتى.
بۇدان باسقا, ەنەرگەتيكا ۆيتسە-ءمينيسترى قر پرەزيدەنتىنىڭ تاپسىرماسىنا سايكەس بارلىق 43 ەنەرگيا ءوندىرۋشى ۇيىمداردىڭ جۇمىسىنا تالداۋ جاسالىپ جاتقانىن حابارلادى. وسى ماقساتتا ەنەرگەتيكا مينيسترلىگى پرەزيدەنت اكىمشىلىگى, مۇددەلى مەملەكەتتىك ورگاندار وكىلدەرى مەن «اتامەكەن» ۇكپ» اق مۇشەلەرىنىڭ قاتىسۋىمەن جۇمىس توبىن قۇردى. جاقىنداعى 10 كۇن ىشىندە جۇمىستىڭ ناتيجەلەرى بۇيرىق تۇرىندە بەكىتىلەدى.
