«قازاقستاننىڭ دامۋ قارقىنىن كوپتەگەن جىلدار بويى, 30 جىلعا جۋىق ۋاقىت, باقىلادىم دەۋگە بولادى, دەنساۋلىق ساقتاۋدىڭ كوپتەگەن كورسەتكىشتەرى بويىنشا ۇلكەن ىلگەرىلەۋ بارىن كورىپ ءجۇرمىن. ءومىر ءسۇرۋ ۇزاقتىعىنىڭ ۇزارۋى جانە ءولىم-ءجىتىمنىڭ تومەندەۋى سەكىلدى وڭ وزگەرىستەر بار. جۇرەك-قان تامىرلارى اۋرۋلارىنان بولاتىن ءولىم-ءجىتىم دەڭگەيىنىڭ جوعارى بولۋىن ەسكەرگەننىڭ وزىندە, ولاردى ەمدەۋ جولدارى دا جاقسارىپ كەلەدى. مەنىڭ ويىمشا, بۇل وتە ماڭىزدى فاكتور», — دەدى جۋجاننا ياكاب.
سونىمەن قاتار, ونىڭ ايتۋىنشا, قازاقستاندا دەنساۋلىق ساقتاۋ سالاسىنداعى جۇمىستى ۇيىمداستىرۋدا ۇلكەن پروگرەسس بايقالادى. تسيفرلىق تەحنولوگيانى ەنگىزۋ ارقىلى دەنساۋلىق ساقتاۋ ساپاسى ودان ءارى جاقسارا ءتۇستى.
«بىرلەسكەن باعدارلامالاردى جۇزەگە اسىرۋ جولىندا بىزدە ۇقساس كووپەراتسيا بار ەكەنىن حابارلاۋعا قۋانىشتىمىن. "دەنساۋلىق" باعدارلاماسى ءبىزدىڭ دەنساۋلىق ساقتاۋ باعدارلامالارىمىزعا ۇقساپ كەلەدى», — دەپ اتاپ ءوتتى ج. ياكاب.
سونىمەن قاتار, ول قازاقستانداعى دەنساۋلىق ساقتاۋ سالاسىنا سالىناتىن ينۆەستيتسيالار كولەمى جىل سايىن ارتىپ كەلە جاتقانىن اتاپ ءوتتى, بۇل ءوز كەزەگىندە مەديتسينا ساپاسىن جاقسارتۋعا جول اشادى.
«پرەزيدەنت جۇرگىزىپ وتىرعان قازاقستاننىڭ ەكونوميكالىق دامۋىنىڭ ۇزاق مەرزىمدى ستراتەگياسى الەۋمەتتىك ماسەلەلەردى شەشۋدە دە وتە ءتيىمدى, سوندىقتان دا, مەنىڭ ويىمشا, دەنساۋلىق ساقتاۋ سالاسىنىڭ دامۋى ەلدىڭ جالپى دامۋىنا جاقسى ىقپالداسادى», — دەپ تۇيىندەدى ددسۇ-نىڭ كوپەنگاگەندەگى ەۋروپالىق وڭىرلىك بيۋروسىنىڭ ديرەكتورى.
