اقمولا گارنيزونىنىڭ اسكەري سوتى قر قك-ءنىڭ 190-بابى 4-بولىگى 2-تارماعى (الاياقتىق) بويىنشا اسكەري قىزمەتشىگە قاتىستى قىلمىستىق ءىستى قارادى. «پودپولكوۆنيك ج. تۇرعىن ءۇي كوميسسياسىنا جىلجىمايتىن مۇلكىنىڭ جوقتىعى تۋرالى جالعان انىقتاما ۇسىنىپ, 22 432 410 تەڭگە سوماسىندا قىزمەتتىك باسپانانى تەگىن جەكەشەلەندىرۋ قۇقىعىنىڭ ورنىنا زاڭسىز اقشالاي وتەماقى العان. وسىلايشا, الداۋ جولىمەن مەملەكەتكە ءىرى كولەمدە زالال كەلتىردى», - دەلىنگەن اقمولا گارنيزونى اسكەري سوتى ءباسپاسوز قىزمەتىنىڭ حابارلاماسىندا. سوتتىڭ ۇكىمىمەن اسكەري قىزمەتشى كىنالى دەپ تانىلىپ, 5 جىلعا باس بوستاندىعىنان ايىرۋ جازاسى تاعايىندالدى. سونداي-اق, ول سوتتىڭ ۇكىمىمەن «پودپولكوۆنيك» اسكەري شەنىنەن ايىرىلىپ, 22 432 410 تەڭگە سوماسىندا ماتەريالدىق زالال ءوندىرىلدى.
