«ومار قۇدىعى» ءحىح عاسىرداعى التىنسارين اۋدانىنىڭ م. حاكىمجانوۆا اتىنداعى اۋىلدىق وكرۋگىنىڭ ساتاي اۋىلىنان وڭتۇستىك-شىعىسقا قاراي 5 شاقىرىم جەردە ورنالاسقان. بۇل ايماقتا ىبىراي ءالتىنساريننىڭ اتاسى بالعوجا ءبيدىڭ اۋىلى بولعان. وسى جەردە 1841 جىلى اعارتۋشى ۇستاز ىبىراي التىنسارين دۇنيەگە كەلگەن. 2017 جىلدان باستاپ ى.ءالتىنساريننىڭ تۋعان جەرى «ومار قۇدىعى» قوستاناي وبلىسى كيەلى نىسانداردىڭ ايماقتىق تىزىمىنە ەنگىزىلدى.
اراقاراعاي ورمان شارۋاشىلىعى مەكەمەسى, «تەمتە», «ايدالا» جانە «سەلەنا» جاۋاپكەرشىلىگى شەكتەۋلى سەرىكتەستىكتەرىنىڭ دەمەۋشىلىك جاساۋىمەن «ۇستازعا تاعزىم», «ى.التىنسارين تۋعان جەرىن اباتتاندىرۋ» جوباسى جۇزەگە اسىرىلدى. قۇدىق بولعان جەرگە كۇركەلەر, كىرەبەرىسكە ارقا سالىندى, قورشاۋلار قويىلىپ, ادامدار جۇرەتىن جالعىز اياق جولعا تاقتا تاس توسەلدى, ورىندىقتار, قوقىس سالاتىن جاشىكتەر ورناتىلدى.
«ىبىراي ءالتىنساريننىڭ تۋعان جەرى, جۇرگەن جەرلەرى, اشقان مەكتەپتەرىنىڭ ورنى, كەسەنەسى بۇگىنگى ۇرپاق ءۇشىن ناعىز رۋحاني دۇنيەگە اينالۋى ءتيىس. «ومار قۇدىعى» سونىڭ ءبىر جارقىن مىسالى, التىنسارينگە بايلانىستى تاريحي ورىننىڭ بىرىنە اينالادى. مەكتەپ وقۋشىلارى, جاستار كەلگەن سايىن ۇلى ۇستاز تۋرالى كوپ ماعلۇمات بىلەدى, تۋعان جەرگە دەگەن پاتريوتتىق سەزىمدى تاربيەلەيدى» دەدى يرينا پەتروۆنا.
ءنازيرا جارىمبەت,
«ەگەمەن قازاقستان»
قوستاناي
