«تسيفرلىق كۇنتارتىپ - ەاو-نىڭ باسەكەگە قابىلەتتىلىگىن ارتتىراتىن فاكتور» سەسسياسىنا قاتىسۋ بارىسىندا قر ءبىرىنشى ۆيتسە-پرەمەرى تسيفرلانجىرۋ ەاو ەلدەرىندەگى ەڭبەك جانە كاپيتال رەسۋرستارىنىڭ كولەمىن ۇلعايتۋ جانە سالاارالىق بايلانىس پەن ونىمدىلىكتى ارتتىرۋدىڭ ماڭىزدىلىعىن اتاپ ءوتتى. سونىمەن قاتار, ا.مامين بيىلعى جىلدىڭ 17-19 مامىر ارالىعىندا وتكەن استانا ەكونوميكالىق فورۋمىنىڭ اياسىندا ەلباسى نۇرسۇلتان نازارباەۆتىڭ بارلىق سالاداعى تسيفرلاندىرۋ الەمنىڭ جاھاندىق بەس مەگاترەندىنىڭ قاتارىنا جاتقىزىلعانىن اتاپ ءوتتى.
«تسيفرلىق قازاقستان» مەملەكەتتىك باعدارلاماسى اياسىندا ەلەكتروندى مەملەكەتتىك جانە الەۋمەتتىك قىزمەتتەردى جاپپاي ەنگىزۋ باستالىپ كەتتى. «بولجام بويىنشا, 2022 جىلعا قاراي مەملەكەتتىك باعدارلامانى جۇزەگە اسىرۋ ناتيجەسىندە ءجىو قوسىمشا 30% وسەدى; ەكونوميكانى كەڭەيتۋ جانە جاڭا سالالاردى قۇرۋ ارقىلى جاڭادان 300 جۇمىس ورنى اشىلادى» , - دەدى ا.مامين.
ەاو-عا مۇشە-مەملەكەتتەردىڭ جانە تسيفرلىق تەحنولوگيا سالاسىنداعى حالىقارالىق ساراپشىلاردىڭ قاتىسۋىمەن الماتىدا بيىلعى جىلدىڭ باسىندا «جاھاندانۋ داۋىرىندەگى تسيفرلىق كۇن ءتارتىبى» فورۋمى ءوتتى. قازىرگى ۋاقىتتا ەاەو مۇشەلەرىمەن بىرىڭعاي كىرىكتىرىلگەن ەۋرازيالىق ەكونوميكالىق ەڭبەك بيرجاسىن قۇرۋ تۋرالى كەلىسسوزدەر جۇرگىزىلىپ جاتىر.
«حالىقارالىق سالاارالىق تەڭدىك جانە كولىك دالىزدەرى» سەسسياسىندا بايانداما جاساۋ بارىسىندا ءبىرىنشى ۆيتسە-پرەمەر الەمدىك ساۋدا كولەمىنىڭ وسۋىندە كولىك جەلىسىنىڭ ماڭىزدىلىعى ارتقانىن اتاپ ءوتتى. 2017 جىلعى قازاقستان ەكونوميكاسىنىڭ جىلدام وسىمىنە ساۋدا مەن وعان قاتىستى سالالار كولەمىنىڭ ۇلعايعانى ىقپال ەتكەن. قر ەكسپورت كولەمىنىڭ ارتۋى 2017 جىلى 31,6% قۇرادى. ترانزيتتىك كونتەينەرلىك تاسىمال كولەمىنىڭ ارتۋى 42% جەتكەن. «قازاقستان ورتالىق ازيادا الەۋەتتى ەكونوميكاعا يە. سوڭعى 12 جىلدا ايماققا سالىنعان ينۆەستيتسيالاردىڭ 80% ءبىزدىڭ مەملەكەتكە تيەسىلى» - دەدى ا.مامين.
