بايقاۋدىڭ ماقساتى مەملەكەتتىك ءتىلدىڭ قولدانىلۋ اياسىن كەڭەيتۋ, ءتىل مادەنيەتىن كوتەرۋ, ەتنوس وكىلدەرىن ىنتالاندىرۋ, تالانتتى جاستاردى انىقتاۋ جانە قولداۋ, قازاق ءتىلىنىڭ لاتىن الىپبيىنە كوشىرۋدى قولداۋ بولاتىن. بايقاۋ ۇسىنىلعان تاقىرىپ بويىنشا دايىندىقسىز اۋىزشا تۇساۋكەسەر جاساۋ; قازاق تىلىندە ەسسە جازۋ; «شابىت جۇلدىزى» شىعارماشىلىق تاپسىرماسى. قازاقتىڭ حالىق نەمەسە زاماناۋي ءانىن ورىنداۋ, بي, كۇي نە بولماسا كوركەم شىعارما ءۇزىندىسىنىڭ قويىلىمى شارتتارىنان تۇردى.
سايىسقا قاتىسۋشىلاردىڭ بارلىعىنىڭ دا ۇقىپتى دايىندىعى, ىنتاسى بايقالدى. دەگەنمەن وزعاندار انىقتالماسا دارىس بولمايدى. اۋليەكول اۋدانىنان كەلگەن حالمۋراد بايمەتوۆ ء«سوز شەبەرى», فەدوروۆ اۋدانىنان كەلگەن الەكساندرا سوروكينا «شابىت جۇلدىزى», مەڭدىقارا اۋدانىنان كەلگەن ۆەرا پونكراتەنكو «كورەرمەن كوزايىمى» نوميناتسيالارىنا يە بولىپ, ديپلومدارمەن جانە «سۋلپاك» تۇرمىستىق-تەحنيكالاردى ساتۋ بويىنشا دۇكەندەر جەلىسىنىڭ 5 مىڭ كولەمىندەگى سىيلىق سەرتيفيكاتتارىمەن ماراپاتتالدى.
بايقاۋ قورىتىندىسى بويىنشا جۇلدەلى ءى ورىندى امانگەلدى اۋدانىنان كەلگەن تەرەنتەۆا وكسانا يە بولىپ, ديپلوممەن جانە «سۋلپاك» تۇرمىستىق-تەحنيكالار دۇكەندەر جەلىسىنىڭ 20 000 تەڭگە كولەمىندەگى سەرتيفيكاتىمەن ماراپاتتالادى. جۇلدەلى ءىى ورىندى قوستاناي پەداگوگيكالىق كوللەدجىنىڭ ستۋدەنتى سۋلتانشينا ۆيكتوريا يە بولىپ, ول دا ديپلوممەن جانە «سۋلپاكتىڭ» 15 000 تەڭگە كولەمىندەگى سەرتيفيكاتىمەن ماراپاتتالادى جانە ءىىى ورىنعا رۋدنىيلىق دوروشكو ۆيكتوريا يە بولىپ, ديپلوممەن جانە «سۋلپاك» دۇكەنىنىڭ 10 000 تەڭگە كولەمىندەگى سەرتيفيكاتىمەن ماراپاتتالادى.
ءنازيرا جارىمبەت,
«ەگەمەن قازاقستان»
