وبلىستىق ىشكى ىستەر دەپارتامەنتىنىڭ باستىعى, پوليتسيا گەنەرال-مايورى بەكەت ايتماعامبەتوۆ ەلباسىنىڭ جاڭا جولداۋىندا ايتىلعان مەملەكەتتىك قىزمەتتى تسيفرلاندىرۋ تۇرعىندارمەن قويان-قولتىق جۇمىس ىستەۋگە مۇمكىندىكتى مولايتاتىنىن ايتتى. قوستانايلىقتار بۇل تۇرعىدا اياقتان تۇرىپ كەلەدى.
جاڭا وپەراتسيا زالىندا ءتورت تەرەزە بولادى. ولاردا قۇجاتتارمەن قامتاماسىز ەتۋ ءبولىمىنىڭ, اكىمشىلىك پوليتسياسى باسقارماسىنىڭ, كوشى-قوڭ قىزمەتى مەن اقپاراتتىق-تالداۋ ورتالىعىنىڭ قىزمەتكەرلەرى ازاماتتاردى قابىلدايتىن بولادى.
«جاڭا زال ازاماتتارعا, اسىرەسە مۇمكىندىگى شەكتەۋلى جاندارعا وتە قولايلى. ءار ازامات مۇندا ەشقانداي قيىندىقسىز قۇجاتتارىن تولتىرادى, وعان ساپالى قىزمەت كورسەتىلەدى. مۇنداي زالداعى جۇمىس پوليتسيا قىزمەتىنىڭ تيىمدىلىگىن ارتتىرادى, ەڭ باستىسى اشىقتىق, مولدىرلىك باسىم بولادى دا, سىبايلاس جەمقورلىق تاۋەكەلى تومەندەيدى» دەدى بەكەت ايماعامبەتوۆ.
ءنازيرا جارىمبەت
«ەگەمەن قازاقستان»
قوستاناي
