پرەزيدەنت نۇرسۇلتان نازارباەۆ ورالدا وتكەن «جاستار كۇشتى قازاقستان ءۇشىن» فورۋمىندا بەلگىلى سپورتشىلارمەن جانە مەديا وكىلدەرىمەن بىرگە تاعى ءبىر «سەلفي» جاسادى. بۇل تۋرالى Tengrinews.kz ءتىلشىسى حابارلادى.
فورۋم كەزىندە ەلباسىمەن بىرگە مايا مانەزا, سەرىك ساپيەۆ, سابينا التىنبەكوۆ, نۇرلان قويانباەۆ «سەلفيگە» ءتۇستى. انىقتاي تۇسەتىنىمىز, مايا مەن سەرىك سول ءساتتى وزدەرىنىڭ تەلەفوندارى ارقىلى قالت جىبەرمەي, قاعىپ الۋعا ۇمتىلسا, يليا يلين «سەلفيدى» كاسىبي فوتواپپاراتتىڭ كومەگىمەن جاسادى.
«موي گورود» پورتالى اتاپ وتكەندەي, نۇرسۇلتان نازارباەۆقا وسىنداي ويمەن ءبىرىنشى ۇسىنىس جاساعان يليا بولدى. ول: «نۇرسۇلتان ءابىش ۇلى, ەسىڭىزدە بار ما, مەن سىزگە «سەلفي» دەپ اتالاتىن سۋرەتكە بىرگە ءتۇسۋدى ءوتىنىپ ەدىم عوي. مەن ەندى سونداي سۋرەتتى بۇكىل ەلىمىزدىڭ جاستارى قاتىسۋىمەن جاساۋدى ۇسىنامىن», - دەدى ول.
مەملەكەت باسشىسى بۇعان: «ساعان ءبارى رۇقسات» دەپ جاۋاپ قايتاردى.
ايتا كەتەيىك, بۇل - مەملەكەت باسشىسىنىڭ الەۋمەتتىك جەلىدە جاريالانىپ وتىرعان ءۇشىنشى «سەلفيى».
بۇدان ون ايعا جۋىق ۋاقىت بۇرىن اقوردا ءباسپاسوز قىزمەتىنىڭ رەسمي Instagram جەلىسىندە نۇرسۇلتان نازارباەۆتىڭ مالايزيا پرەمەر-ءمينيسترى نادجيب تۋن رازاكپەن (ورتاداعى سۋرەت) «سەلفيى» جاريالانعان بولاتىن.