استانا. 3 ءساۋىر. ورتا سالماقتا كاسىپقوي بوكستان WBA (Super), IBO جانە WBC (Interim) تۇجىرىمدارى بويىنشا الەم چەمپيونى گەننادي گولوۆكيننىڭ 16 مامىردا ۆيللي مونروعا قارسى جەكپە-جەك وتكىزەتىنى بەلگىلى. اتالعان بوكس كەشىنە بيلەتتەر وسىدان ەكى اپتا بۇرىن ساتىلىمعا شىعارىلدى. بۇگىنگە دەيىن 5 000 بيلەت ساتىلعان. بۇل تۋرالى radiotochka.kz حابارلادى.
ۇيىمداستىرۋشىلار قالعان ءبىر جارىم ايدىڭ ىشىندە تاعى 8 000 بيلەت ساتۋعا نيەتتى. ءسويتىپ, جانكۇيەرلەر سانىن 13 000-عا جەتكىزبەكشى.
ايتا كەتەيىك, العاشقى تاۋلىكتە 2 500 بيلەت ساتىلعان. ەڭ ارزان بيلەتتى 30 دوللارعا الۋعا بولادى. ال ەڭ قىمباتى 300 دوللاردان ساتىلۋدا.
گولوۆكين مەن مونرو اراسىنداعى جەكپە-جەك 16 مامىردا اقش-تىڭ لوس-اندجەلەس قالاسىنداعى The Forum ارەناسىندا وتەدى. بۇل – وتانداسىمىزدىڭ وسى جىلداعى ەكىنشى ايقاسى بولماق. اقپان ايىندا ول ۇلىبريتانيالىق مارتين ميۋررەيدى جەڭگەن بولاتىن. جالپى, بۇگىنگە دەيىن 32 كەزدەسۋ وتكىزىپ, بارلىعىندا جەڭىسكە جەتكەن چەمپيونىمىز سونىڭ 29-ىن نوكاۋتپەن اياقتادى. ال قارسىلاسى ۆيللي مونرو بارلىعى 19 جەكپە-جەك وتكىزىپ, سونىڭ بىرەۋىندە جەڭىلگەن. ول 6 كەزدەسۋدە قارسىلاستارىن نوكاۋتقا جىبەرگەن.
ەلامان قوڭىر.
دەرەك: radiotochka.kz.
سۋرەت: thesweetscience.com.