2015 جىلعى 16 ناۋرىزدان قازاقستاندا «جۇمىسپەن قامتۋدىڭ جول كارتاسى-2020» باعدارلاماسىنا جانە «ورلەۋ» جوباسىنا قاتىسۋ ماسەلەلەرى بويىنشا اقپاراتتىق-ءتۇسىندىرۋ جۇمىستارىن جۇرگىزۋ ءۇشىن قۇرامىنا ءدسادم ەڭبەك, الەۋمەتتىك قورعاۋ جانە كوشى-قون كوميتەتىنىڭ وڭىرلىك دەپارتامەنتتەرىنىڭ, جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارىنىڭ, جۇمىسپەن قامتۋ بولىمدەرىنىڭ قىزمەتكەرلەرى كىرگەن ارناۋلى موبيلدى توپتار جۇمىس ىستەي باستادى.
ءموبيلدى توپتار العاشقى جۇمىس كۇنىنىڭ قورىتىندىسىندا 8 وبلىستىڭ 10 اۋىلدىق اۋدانىن قامتىدى.
ءموبيلدى توپتار «جۇمىسپەن قامتۋدىڭ جول كارتاسى-2020» باعدارلاماسىنا جانە «ورلەۋ» جوباسىنا قاتىسۋعا نيەت بىلدىرگەن ازاماتتاردى انىقتايدى.
ءوتىنىم بەرىلگەننەن كەيىن ماماندار جەرگىلىكتى جەرلەردە «جۇمىسپەن قامتۋدىڭ جول كارتاسى-2020» باعدارلاماسىنىڭ جانە «ورلەۋ» جوباسىنىڭ ناقتى باعىتتارى بويىنشا قاتىسۋعا ازاماتتارمەن اڭگىمەلەسۋ ءجانە كاسىبي باعدارلاۋ جۇمىستارىن جۇرگىزىپ, اتالعان باعدارلامالارعا قاتىسۋعا قاجەتتى قۇجاتتار توپتاماسى بويىنشا كەڭەستەر بەرەدى.
ءموبيلدى توپتاردىڭ جۇمىسى ناتيجەسىندە كاسىبي باعدارلاۋدان وتكەن جانە «جۇمىسپەن قامتۋدىڭ جول كارتاسى-2020» باعدارلاماسى جانە «ورلەۋ» جوباسىنىڭ قانداي دا ءبىر باعىتىنا قاتىسۋدى شەشكەن تۇلعالار قاجەتتى توپتاماسىن ازىرلەيدى. ءارى قاراي جۇمىسپەن قامتۋ ورتالىقتارىنىڭ قىزمەتكەرلەرى ازاماتتاردى جۇمىسپەن قامتۋعا تىكەلەي قولداۋ كورسەتەدى.
جالپى, قازاقستان بويىنشا قۇرامىنا 441 قىزمەتكەر ەنگەن 178 ءموبيلدى توپ قۇرىلدى. ولار جۇمىسسىزدىق دەڭگەيى, ناتيجەسىز جۇمىسپەن اينالىساتىندار جانە از قامتىلعان تۇلعالار سانى جوعارى, سونداي-اق, «جۇمىسپەن قامتۋدىڭ جول كارتاسى-2020» باعدارلاماسىنا قاتىسۋ دەڭگەيى تومەن 191 اۋداننىڭ 404 ەلدى مەكەنى تۇرعىندارىن قامتۋدى جوسپارلاپ وتىر. ءموبيلدى توپتاردىڭ جۇمىسى اعىمداعى جىلعى 15 ساۋىرگە دەيىن سوزىلادى.
«ەگەمەن-اقپارات».