كاسىپكەرلىكتى دامىتۋ تۇرعىسىندا

كاسىپكەرلىك ناقتى ىسپەن كور­سەتىلەتىن جۇمىس. تەك وركەنيەتتى ەلدەردەگىدەي ساۋاتتى ءارى جان-جاقتىلى دامىتا ءبىلۋ قاجەت. تالدىقورعان قالاسىنا ۇلت­­تىق كاسىپكەرلەر پالاتاسى ءتور­القاسىنىڭ توراعاسى تيمۋر ق ۇلى­باەۆ ارنايى كەلىپ, جەرگىلىكتى كاسىپكەرلەر پالاتاسىنىڭ كەڭەي­تىلگەن وتىرىسىن وتكىزدى. جەتىسۋلىق كاسىپكەرلەر الدىندا الماتى وبلىسىنىڭ اكىمى اماندىق باتالوۆ وڭىردە كاسىپكەرلىكتى دامىتۋ بارىسى تۋرالى ماعلۇمات بەرە ءسوز سويلەدى. شارانىڭ نەگىزگى بولىگىندە ءۇيد باعدارلاماسى اياسىنداعى دامۋ دەڭگەيىنىڭ كورسەتكىشتەرى تالقىلانىپ, وتاندىق ونىمدەردى ءوندىرۋ ماسەلەسى ءسوز بولدى. وسى باعىتتا جەرگىلىكتى كاسىپكەرلەر پالاتاسى وبلىستىق فيليالىنىڭ ديرەكتورى ءلاززات شىڭعىسباەۆا بايانداما جاسادى. كاسىپكەرلەر پالاتاسىنىڭ كەڭەيتىلگەن وتىرىسىندا اگرارلى وبلىستا قانت قىزىلشاسىن وسىرۋشىلەردى قارجىلاندىرۋعا, تىڭايتقىش ساتىپ الۋ, مەملەكەتتىك ءتۇرلى سالىمدارعا سالىق تولەۋ, بەكىرە بالىعىن ءوسىرۋ, قۇرىلىس زاتتارىن جاساۋ, تاسىمالداۋ جانە وتاندىق تاۋاردى ەكسپورتقا شىعارۋ, فەرمەرلەر مەكتەبىن اشۋ سىندى بىرقاتار ماسەلەلەرگە ۇكپ توراعاسى تاراپىنان جاۋاپ بەرىلدى. نۇربول الدىباەۆ, «ەگەمەن قازاقستان». تالدىقورعان.