ايتپاقشى, «قازاقستان-ءسىبىر 2011» حالىقارالىق كورمەسى كەزىندە «ۆارشاۆالىق ترامۆاي» كاسىپورنى وبلىس ورتالىعىنا جاڭا زامان ترامۆايلارىن جەتكىزەدى. اكىمدىك «پەسا بۋدگوشش» كومپانياسى جولداردى ەۋروپالىق ستاندارتتارعا ساي جوندەيدى, «ۆارشاۆالىق ترامۆايلارمەن جۇرەسىزدەر...» دەپ قاتتى قۋانتىپ ەدى.
جوعارى سۇرانىسقا يە قوعامدىق كولىك 40 جىلدان اسا ۋاقىت قالا تۇرعىندارىنا قىزمەت ەتىپ كەلەدى. ترامۆاي باسقارماسىندا 115 ترامۆاي ۆاگونى بار بولسا, ونىڭ 86-سى كۇندەلىكتى قوزعالىس باعىتتارىنا جىبەرىلۋدە. وسى جۋىردا وبلىس ورتالىعىندا وتكەن كەزدەسۋدە «ەۋرازيالىق توپ» جشس-ءى مەن وبلىس اكىمدىگى اراسىنداعى كەلىسىم بويىنشا جاڭادان 5 ترامۆاي ساتىپ الۋعا قارجى بولىنەدى دەپ حابارلاندى. بۇعان دەيىن وبلىس اكىمى قانات بوزىمباەۆتىڭ ەلىمىزدىڭ ۇلتتىق ەكونوميكا مينيسترلىگى جانە «ەۋروپالىق قايتا قۇرۋ جانە دامۋ بانكىنىڭ» وكىلدەرىمەن كەزدەسۋلەردە دە «پاۆلودار قالاسىنىڭ ترامۆاي باسقارماسى» اق-تى جاڭعىرتۋ ماسەلەسى تاعى دا كەزەكتى رەت تالقىلاندى. ياعني, وسى كەلىسىمدەر ارقىلى وبلىس ورتالىعىنا ەندى «زاماناۋي ءارى Wi-Fi قوندىرعىلارى بار 50 ترامۆاي اكەلىنەدى..» دەپ قۋانتادى. كەلىسىمدەردە ايتىلعانداي, 50 بولماسا دا, بۇدان ءبىر جىل بۇرىن رەسەيدەن ەكى-ءۇش جاڭا ترامۆاي كەلدى. ماسەلە, ترامۆايدىڭ قۇنىندا. ءبىر ۆاگون 70 ميلليون تەڭگە تۇرسا, زاماناۋي ترامۆايلارىڭىز ودان دا اسىپ ءتۇسۋى مۇمكىن.
ال, ترامۆاي باسقارماسى ترامۆاي پاركىن جاڭعىرتۋ بويىنشا قۇنى 4,23 ملرد. تەڭگە بولاتىن جوبا جاساپ بەرىپتى. وبلىس ورتالىعىنداعى ترامۆاي پاركىنىڭ 90 پايىزى توزعان, ۆاگونداردىڭ كوپشىلىگى مەرزىمدەرىن ەكى ەسە وتەگەن دەيمىز. بىراق, ترامۆاي باسقارماسى دا قاراپ وتىرعان جوق, تۇرعىندارعا قىزمەت كورسەتۋ ساپاسىن ارتتىرۋ ماقساتىندا دەپو پاركىن مودەرنيزاتسيالاۋ جۇمىسىن قولعا الۋدا. ارنايى باعدارلاما بويىنشا جاڭارتىلعان ترامۆايلار زاماناۋي جىلىتقىش قۇرالدارىمەن جابدىقتالۋدا. ءبىر ۆاگوندى جوندەۋ ءۇشىن كاسىپورىن 8 ميلليون تەڭگە جۇمسايدى ەكەن. قازىر ترامۆاي باسقارماسىنىڭ پاركىندە جارقىرعان جاڭاسىن اكەلمەك بۇرىن پاركتەگى 65 ەسكى ۆاگوندى تولىقتاي جاڭارتۋ, جاڭعىرتۋ جۇمىستارى دا جۇرگىزىلۋدە. دەگەنمەن دە, جولاۋشىلار ءۇشىن ۆارشاۆانىڭ ترامۆايىنىڭ دا, Wi-Fi قوندىرعىسىنىڭ بولۋى ماڭىزدى ەمەس, ماڭىزدىسى – جۇمىسىنا, باراتىن جەرىنە جەتكىزەتىن كولىكتىڭ بولۋىندا جانە ساپالى قىزمەت. ماسەلەن, اكىمدەر كەلە جاتىر دەپ جىلدا ايتىلاتىن 50 ترامۆايدىڭ كەلىسىمدەر ىسكە اسىپ, /5-ءۋى جاقىندا قوسىلدى/ قالامىزعا جىلدامىراق جەتۋىندە عوي...
فاريدا بىقاي,
«ەگەمەن قازاقستان».
پاۆلودار.