استانا. 2 ءساۋىر. كەشە ۋكراينا استاناسى – كيەۆ قالاسىنداعى اقش ەلشىلىگى ءۇيى الدىندا موڭىرەۋ تۇرىندەگى قارسىلىق اكتسياسى جاسالدى. بۇل تۋرالى «پراۆدا.Ru» حابارلادى.
«1 ءساۋىر كۇنى كيەۆتەگى اقش ەلشىلگىگىن 2000 قارالى ادام قورشاپ الدى», - دەلىنگەن حابارلامادا.
ال اكتسياعا قاتىسۋشىلار مۇندا قولدارىنا «مى نە سكوتى!», «مى نە حۋدوبا», «نە بىلو», «ءحىبا رەۆۋت ۆولي ياك ياسلا ءپوۆنى؟» دەگەن ۇراندارى بار پلاكاتتار ۇستاپ كەلدى. نارازىلىق اكتسياسىنا شىققانداردىڭ تاعى ءبىر ەرەكشەلىگى, ولار ءوز اۋىزدارىنان ءبىر اۋىز دا ءسوز شىعارعان جوق. مۇنىڭ ورنىنا موڭىرەپ, ماڭىراۋمەن بولدى. ارا-اراسىندا بارلىعى ۇيىمداستىرۋشىلار تاراتىپ بەرگەن كاپۋستانى جەپ تۇردى.
قارسىلىق اكتسياسىنىڭ فينالىندا بەلسەندىلەر قارىندارى اش ءىرى قارا مالدارىنىڭ كەيىپتەرىن كەلتىرىپ, ەلشىلىك اۋلاسىنا قاراي جەر تارپىپ, توپىراق شاشتى.
اكتسيا قازىرگى كۇندەرى ۋكراينا ۇكىمەتىندە قاپتاپ جۇرگەن شەتەلدىكتەرگە, امەريكالىقتار مەن ەۋروپالىقتاردىڭ مەملەكەت ىسىنە قاتتى ارالاسۋشىلىعىنا قارسىلىق رەتىندە جاسالعانى انىق كورىنىپ تۇر. نارازىلىق جيىنىنا كەلۋشىلەر سوڭىندا گرۋزيننىڭ «سۋليكو» ءانىن سالىپ, قولدارىنا ەۋرووداقتىڭ نىشاندارى سالىنعان ەكى مەترلىك ءسابىزدى ۇستاپ تۇردى.
مۇرات ايتقوجا.