قاراعاندى. 2 ءساۋىر. كەڭەس كەزەڭىنەن بەرى اتى ءدۇيىم ەلگە تانىلعان ەكستراسەنس اناتولي كاشپيروۆسكي تاعى دا قاراعاندى قالاسىنا كەلە جاتىر. بۇل تۋرالى «نوۆىي ۆەستنيك» حابارلادى.
باسىلىمنىڭ مالىمەتىنشە, ەكستراسەنس قالادا 17 كۇن بولاتىن سياقتى. ول كەندى استانادا وسىنشا ۋاقىت تۇرعىندارمەن قايىرىمدىلىق كەزدەسۋىن وتكىزەدى. ال كەزدەسۋلەر قاراعاندى تسيركىنىڭ ارەناسىندا وتەدى.
كاشپيروۆسكيدىڭ سەانستارى تسيركتە 7-24 ءساۋىر ارالىعىندا بولادى. ولار كۇن سايىن جەرگىلىكتى ۋاقىت بويىنشا ساعات 11:00-دە باستالىپ, 15:00-دە اياقتالادى.
ايقىن نەسىپباي.
دەرەك, سۋرەت: «نوۆىي ۆەستنيك» .