الماتى. 2 ءساۋىر. دۇنيەجۇزىنىڭ 52 مەملەكەتى ازياداعى ينفراقۇرىلىمدىق ينۆەستيتسيا بانكىنە (AIIB) قۇرىلتايشى بولىپ كىرۋگە ءوتىنىش ءبىلدىردى. بۇل تۋرالى قىتايلىق Sohu جاڭالىقتار پورتالىنىڭ دەرەگىنە سۇيەنىپ, تاسس اگەنتتىگى حابارلادى.
كەشەگە دەيىن بانككە قۇرىلتايشى بولۋعا 31 مەملەكەت ءوتىنىش تۇسىرسە, ءساۋىردىڭ 15-نە دەيىن تاعى دا 20 مەملەكەتتىڭ ءوتىنىش قارالاتىن بولادى. ولاردىڭ اراسىندا فرانتسيا, يتاليا, اۆستريا, رەسەي,تۇركيا, اۆستراليا, كورەيا رەسپۋبليكاسى, نيدەرلاندى, برازيليا, گرۋزيا, دانيا, ەگيپەت, قىرعىزستان, شۆەتسيا, فينليانديا, نورۆەگيا, يسلانديا, يسپانيا, پورتۋگاليا جانە يزرايل مەملەكەتتەرى بار. ەڭ قىزىعى, ونداي ءوتىنىش تايۆاننان دا تۇسكەن.
بانك 2014 جىلى قىتايدىڭ باستاماسىمەن ازيا-تىنىق مۇحيتى ايماعىنداعى (اتا) ينفراقۇرىلىمدىق جوبالاردى قارجىلاندىرۋ ماقساتىمەن قۇرىلعان. قارجىلىق ينستيتۋتتىڭ جارعىلىق كاپيتالى – 100 ميلليارد, ال العاشقى اكتسيونەرلىك كاپيتالى 50 ميلليارد اقش دوللارىنا تەڭ. بانكتىڭ شتاب-پاتەرى وسى جىلدىڭ سوڭىنا دەيىن بەيجيڭگە جايعاسادى.
تالعات ءسۇيىنباي.
دەرەك:تاسس.
سۋرەت: AP.org.