ديماش قۇدايبەرگەن جاڭا دەرەكتى ءفيلمىنىڭ ترەيلەرىن جاريالادى

«ديماش قۇدايبەرگەننىڭ ارمانى: قوشەمەتكە دەيىن» (Before The Applause: The Dream of Dimash Qudaibergen) دەپ اتالاتىن فيلم ونەر يەسىنىڭ الەمدەگى ەڭ بەدەلدى كونتسەرت الاڭدارىنىڭ بىرىندەگى ونەر كورسەتۋىنە دەيىنگى جولىن ايعاقتايدى.

ديماش قۇدايبەرگەن «تايماس» ءفيلمىنىڭ ءتۇسى­رىلىم الاڭىنا باردى

ءفيلمنىڭ انونسىن ءانشى ءوزىنىڭ الەۋمەتتىك جەلىدەگى پاراقشاسىندا ءبولىستى. ترەيلەر سيپاتتاماسىندا: «Madison Square Garden ارەناسىنداعى ءبىر ءتۇن. داۋىس شىرقالار الدىنداعى تىنىشتىق. رەپەتيتسيا زالدارىنان باستاپ الەمدەگى ەڭ ۇلكەن ساحنالاردىڭ بىرىنە دەيىن جالعاسقان كوپجىلدىق ەڭبەكتىڭ ناتيجەسى بولعان ءسات», دەلىنگەن.

ديماش قۇدايبەرگەننىڭ «كوكجيەكتەن اسقان ءۇن» جوباسى 2 ميللياردتان استام قارالىم جينادى

دەرەكتى فيلم كورەرمەندەرگە ديماشتىڭ ۇلكەن ساحناعا دەيىنگى دايىندىعى مەن شىعارماشىلىق جولىنىڭ ماڭىزدى كەزەڭدەرىن جاقىنىراق تانىستىرۋدى ماقسات ەتەدى.