ەلىمىزدە 2026 جىلعى ەگىن ەگۋ ناۋقانى اگروتەحنيكالىق تالاپتارعا ساي مەرزىمىندە اياقتالدى. جالپى ەگىس القابى 23,8 ملن گەكتاردى قۇراپ, وتكەن جىلمەن سالىستىرعاندا 180 مىڭ گەكتارعا ۇلعايدى, دەپ حابارلايدى Egemen.kz
2026 جىلى كوكتەمگى دالا جانە ەگىن جيناۋ جۇمىستارىن جەڭىلدەتىلگەن قارجىلاندىرۋعا 750 ملرد تەڭگە قاراستىرىلدى. بۇگىندە 4,8 مىڭ اۋىل شارۋاشىلىعى تاۋارىن وندىرۋشىگە 573 ملرد تەڭگە ءبولىندى.
كوكتەمگى دالا جۇمىستارىن قارجىلاندىرۋعا ءوتىنىم قابىلداۋ العاش رەت 2025 جىلدىڭ قازان ايىندا باستالىپ, فەرمەرلەرگە ماۋسىمعا الدىن الا دايىندالۋعا جانە شىعىندارىن ءتيىمدى جوسپارلاۋعا مۇمكىندىك بەردى.
كوكتەمگى دالا جۇمىسى قارقىن الدى
كەپىلدىك مۇلكى جەتكىلىكسىز شارۋالار ءۇشىن نەسيە سوماسىنىڭ 85%-نا دەيىن مەملەكەتتىك كەپىلدىك بەرۋ تەتىگى ىسكە قوسىلىپ, قارجىلاندىرۋعا قولجەتىمدىلىك ايتارلىقتاي كەڭەيدى.
ەگىس القاپتارىن ءارتاراپتاندىرۋ ناتيجەسىندە مايلى داقىلدار كولەمى 4,3 ملن گەكتارعا, مال ازىقتىق داقىلدار كولەمى 3,3 ملن گەكتارعا دەيىن ۇلعايتىلىپ, بيداي القاپتارى وڭتايلاندىرىلدى.