سوڭعى ۋاقىتتا وتانداستارىمىزدىڭ قىرعىزستانداعى جىلجىمايتىن م ۇلىككە قىزىعۋشىلىعى ارتىپ كەلەدى. 2025 جىل مەن 2026 جىلدىڭ العاشقى ءۇش ايىندا قازاقستان ازاماتتارى كورشى ەلدەن 424 جىلجىمايتىن م ۇلىك نىسانىن ساتىپ العان, دەپ حابارلايدى Egemen.kz.
قىرعىزستاننىڭ جىلجىمايتىن م ۇلىك نارىعىنا قاتىستى دەرەكتەردى مەملەكەتتىك كاداستر مالىمەتتەرىنە سۇيەنە وتىرىپ, قىرعىزستان جوگوركۋ كەڭەشىنىڭ دەپۋتاتى داستان بەكەشوۆ جاريالادى.
ونىڭ ايتۋىنشا, اتالعان كەزەڭدە شەتەل ازاماتتارى قىرعىزستان اۋماعىنان جالپى سانى 2408 جىلجىمايتىن م ۇلىك نىسانىن ساتىپ العان. ەڭ بەلسەندى ساتىپ الۋشىلار قاتارىندا رەسەي ازاماتتارى كوش باستاپ تۇر – 1238 نىسان. ەكىنشى ورىندا قازاقستان ازاماتتارى بولسا, ءۇشىنشى ورىندا قىتاي ازاماتتارى ورنالاسقان. قىتايلىقتار 311 نىسان, تۇركيا ازاماتتارى 145 نىسان, ال گەرمانيا ازاماتتارى 56 نىسان ساتىپ العان.
دەپۋتاتتىڭ مالىمدەۋىنشە, بۇل كورسەتكىشتەر قىتاي ازاماتتارى قىرعىزستاننىڭ جىلجىمايتىن م ۇلىك نارىعىن جاپپاي ساتىپ الىپ جاتىر دەگەن پىكىردىڭ شىندىققا جاناسپايتىنىن كورسەتەدى.
قىرعىزستاندا سەل كەزىندە مەكتەپ وقۋشىسى جوعالىپ كەتكەن
ماسەلەن, 2025 جىلى قىتاي ازاماتتارى 272 نىسان ساتىپ السا, 2026 جىلدىڭ ءبىرىنشى توقسانىندا تاعى 39 نىسان يەلەنگەن. ساتىپ الىنعان م ۇلىكتىڭ جالپى اۋماعى 32,5 مىڭ شارشى مەتردى قۇراعان.
سالىستىرۋ ءۇشىن, 2025 جىلى قىرعىزستاندا جىلجىمايتىن م ۇلىكتى ساتىپ الۋ-ساتۋ بويىنشا 62 مىڭنان استام مامىلە تىركەلگەن. وسىلايشا, قىتاي ازاماتتارىنىڭ ۇلەسى جالپى نارىقتىڭ شامامەن 0,44 پايىزىنا عانا تەڭ بولعان.
سونىمەن قاتار دەپۋتات شەتەلدىكتەردىڭ جىلجىمايتىن م ۇلىك ساتىپ الۋىن باقىلاۋدا ۇستاۋ ماڭىزدى ەكەنىن ايتتى. ونىڭ پىكىرىنشە, اسىرەسە شەكارا ماڭىنداعى جانە ستراتەگيالىق ماڭىزى بار اۋماقتارداعى نىساندارعا ەرەكشە نازار اۋدارۋ قاجەت.
قازاقستاندا 37 ملرد تەڭگەنىڭ بەنزينىن قىرعىزستانعا زاڭسىز شىعارۋ سحەماسى انىقتالدى
ايتا كەتەيىك, بۇعان دەيىن قازاقستان ازاماتتارىنىڭ شەتەلدەگى اكتيۆتەرى تۋرالى مالىمەت جاريالانعان بولاتىن. مەملەكەتتىك كىرىستەر كوميتەتىنىڭ دەرەگىنە سايكەس, وتانداستارىمىز شەتەل مەملەكەتتەرىندە ورنالاسقان 10 مىڭعا جۋىق جىلجىمايتىن م ۇلىك نىسانىن دەكلاراتسيالاعان.