قاراعاندى وبلىسىندا ەسىرتكى زاتتارىن زاڭسىز ساقتاپ, تاراتۋمەن اينالىستى دەپ ايىپتالعان كامەلەتكە تولماعان جاسوسپىرىمگە قاتىستى سوت ۇكىمى شىقتى, دەپ حابارلايدى Egemen.kz.
وقيعا وتكەن جىلدىڭ قازان ايىندا پارحومەنكو زاۋىتى ماڭىندا بولعان. پوليتسيا قىزمەتكەرلەرى قالا ماڭىندا تۇراتىن ءجاسوسپىرىمدى ەسىرتكىنىڭ جاسىرىن ورىندارىن ۇيىمداستىرۋ كەزىندە قولعا تۇسىرگەن.
تەكسەرۋ بارىسىندا ونىڭ جانىنان سينتەتيكالىق ەسىرتكى سالىنعان 40 تۇيىنشەك تابىلعان. تاركىلەنگەن تىيىم سالىنعان زاتتاردىڭ جالپى سالماعى 17,576 گرامدى قۇراعان.
ەسىرتكى بيزنەسىنە ادامداردى تارتۋمەن اينالىسقان call-ورتالىقتار جويىلدى
اتالعان دەرەك بويىنشا اسا ءىرى مولشەردەگى ەسىرتكى زاتتارىن وتكىزۋ ماقساتىندا زاڭسىز ساقتاۋ بابى بويىنشا قىلمىستىق ءىس قوزعالدى. تەرگەۋ بارىسىندا قاجەتتى ساراپتامالار جۇرگىزىلىپ, كۇدىكتىنىڭ جەكە باسىنا قاتىستى ماتەريالدار جينالدى.
سوتقا دەيىنگى تەرگەۋ كەزەڭىندە ءجاسوسپىرىم ۇيقاماقتا بولعان. ءىس سوتتا قارالىپ, كۋاگەرلەردىڭ ايعاقتارى مەن ساراپشىلاردىڭ قورىتىندىلارى زەرتتەلدى.
شەتەلدەن ەسىرتكى تاسىمالداعان ايەل باس بوستاندىعىنان ايىرىلدى
ناتيجەسىندە سوت ايىپتالۋشىنى كىنالى دەپ تانىپ, وعان 4 جىل 6 اي مەرزىمگە باس بوستاندىعىنان ايىرۋ جازاسىن تاعايىندادى. ۇكىم زاڭدى كۇشىنە ەندى.