ەندى ەل تۇرعىندارى اتىراۋدان باتۋميگە تىكەلەي اۋە رەيسى ارقىلى قاتىناي الادى. FlyArystan كومپانياسى جازعى دەمالىس ماۋسىمىنا وراي جاڭا اۋە رەيسىن اشتى, دەپ حابارلايدى Egemen.kz.
جاڭا رەيستەر 14 شىلدە مەن 25 تامىز ارالىعىندا اپتاسىنا ءبىر رەت – سەيسەنبى كۇندەرى ورىندالادى. ۇشۋ كەستەسىنە سايكەس, اتىراۋدان ۇشاق 10:40-تا كوتەرىلىپ, باتۋميگە جەرگىلىكتى ۋاقىت بويىنشا 12:00-دە قونادى. كەرى باعىتتا باتۋمي قالاسىنان 13:00-دە ۇشىپ, اتىراۋعا 16:15-تە جەتەدى.
FlyArystan پرەزيدەنتى ءارى باس اتقارۋشى ديرەكتورى يوحان ەيدحاگەننىڭ ايتۋىنشا, جازعى ماۋسىمدا تەڭىز جاعالاۋىنا ساپارلايتىن تۋريستەر سانى ارتاتىندىقتان, كومپانيا سۇرانىسى جوعارى باعىتتاردى كوبەيتىپ وتىر.
ء«بىز ءۇشىن ماڭىزدىسى – تەك اۋە باعىتتارىنىڭ گەوگرافياسىن كەڭەيتۋ عانا ەمەس, سونىمەن قاتار جولاۋشىلارعا تاڭداۋ مۇمكىندىگىن كوبىرەك ۇسىنۋ. اتىراۋدان تىكەلەي رەيستىڭ اشىلۋى ەلدىڭ باتىسىنداعى تۇرعىندارعا ۋاقىتتى ارتىق جوعالتپاي, وزدەرىنە ىڭعايلى تۇردە ساپار جوسپارلاۋعا مۇمكىندىك بەرەدى», دەدى يوحان ەيدحاگەن.
پاكىستان ارقىلى ۇشادى: الماتى مەن استانادان دۋبايعا قاتىنايتىن رەيستەردىڭ كەستەسى شىقتى
ايتا كەتەيىك, كومپانيا جاقىندا استانا مەن اقتاۋدان باتۋميگە تىكەلەي رەيستەر اشقان بولاتىن.