ىشكى ىستەر مينيسترلىگى اتا-انالار مەن كامەلەتكە تولماعاندارعا ونلاين-گرۋمينگ قاۋپى تۋرالى ەسكەرتەدى, دەپ حابارلايدى Egemen.kz.
ونلاين-گرۋمينگ − بۇل قاسكويلەردىڭ ينتەرنەت ارقىلى بالالارمەن سەنىمدى قارىم-قاتىناس ورناتۋ ءۇشىن قولداناتىن قاۋىپتى ءتاسىلى.
ادەتتە ءبارى الەۋمەتتىك جەلىدە, مەسسەندجەرلەردە, ونلاين ويىنداردا نەمەسە تانىمال ينتەرنەت-پلاتفورمالاردا قاراپايىم تانىستىقتان باستالادى. قاسكوي سەنىمگە كىرۋ ءۇشىن ءوزىن ءجاسوسپىرىم رەتىندە تانىستىرۋى مۇمكىن.
قاسكوي بالا ءۇشىن «جاقىن دوسقا» اينالۋعا تىرىسادى: كۇن سايىن حابارلاسىپ, ەرەكشە كوڭىل بولەدى, ونىڭ جەكە ومىرىنە, ىشكى ۋايىمدارىنا قىزىعۋشىلىق تانىتادى. كەيىنىرەك ول جەكە سيپاتتاعى سۇراقتار قويىپ, كۇن ءتارتىبىن, تۇرعىلىقتى جەرىن, ارالاساتىن ورتاسىن جانە باسقا دا مالىمەتتەردى بىلۋگە تىرىسادى.
ينتەرنەتتەگى ساۋدادا ساق بولىڭىز: جاڭا الاياقتىق ءادىس انىقتالدى
ودان سوڭ قاسكوي فوتوسۋرەتتەر مەن بەينەجازبالار جىبەرۋدى نەمەسە جەكە تاقىرىپتارداعى اڭگىمەلەرگە كوشۋدى سۇرايدى. سونىمەن قاتار مۇنداي اڭگىمەلەردىڭ قالىپتى جاعداي ەكەنىن ايتىپ, حات الماسۋ تۋرالى ەشكىمگە ايتپاۋدى تالاپ ەتۋى نەمەسە پسيحولوگيالىق قىسىم كورسەتۋى مۇمكىن.
ونلاين-گرۋمەر – بۇل كامەلەتكە تولماعان بالامەن ينتەرنەت ارقىلى ادەيى بايلانىس ورناتىپ, ونىڭ سەنىمىنە كىرىپ, كەيىننەن زيان كەلتىرۋدى ماقسات ەتەتىن ەرەسەك ادام.
ينتەرنەتتەگى بالالار قاۋىپسىزدىگى: قازاقستاندا 7 مىڭعا جۋىق سايتقا شەكتەۋ قويىلدى
ونلاين-گرۋمينگتەن قالاي قورعانۋعا بولادى:
ينتەرنەتتە بەيتانىس ادامدارمەن سويلەسپە; جەكە دەرەكتەردى, تۇرعىلىقتى مەكەنجايدى, تەلەفون ءنومىرىن, وقۋ ورنىن جانە باسقا دا قۇپيا اقپاراتتى جاريالاما; بەيتانىس جەلى پايدالانۋشىلارىنا فوتوسۋرەتتەر مەن بەينەجازبالاردى جىبەرمە; اڭگىمەلەسۋشى ينتيمدىك سيپاتتاعى سۇراقتار قويسا نەمەسە حات الماسۋدى قۇپيا ساقتاۋدى سۇراسا, ونىمەن سويلەسۋدى بىردەن توقتات; كۇماندى اككاۋنتتاردى بۇعاتتا; ينتەرنەتتەگى كەز كەلگەن كۇماندى ادامدار تۋرالى دەرەۋ اتا-اناڭا حابارلا.ءىىم اتا-انالاردى بالالارىمەن ينتەرنەتتەگى قاۋىپسىزدىك ەرەجەلەرىن ۇنەمى تالقىلاپ وتىرۋعا جانە ولاردىڭ ونلاين-بەلسەندىلىگىندەگى وزگەرىستەرگە نازار اۋدارۋعا شاقىرادى. بالانىڭ تسيفرلىق ورتاداعى قاۋىپسىزدىگى دە شىنايى ومىردەگىدەي قىراعىلىقتى تالاپ ەتەدى.
ۇلتتىق قاۋىپسىزدىك كوميتەتى ينتەرنەت جانە كيبەرسالادا باقىلاۋدى كۇشەيتەدى