استانادا «تازا قازاقستان» ەكولوگيالىق اكتسياسى اياسىندا كەزەكتى تازالىق جۇمىسى جۇرگىزىلدى. الماتى اۋدانىنىڭ اكىمدىگى مەن «استانا جاستارى» جاستار رەسۋرستىق ورتالىعىنىڭ باستاماسىمەن قولعا الىنعان ءىس-شارا ماحتۇمق ۇلى كوشەسى بويىندا وتكىزىلىپ, وعان بەلسەندى جاستار مەن ەرىكتىلەر قاتىستى, دەپ حابارلايدى Egemen.kz.
تازالىق بارىسىندا قاتىسۋشىلار كوشەلەر مەن قوعامدىق اۋماقتاردى قوقىستان تازارتىپ, قورشاعان ورتانىڭ تازالىعىن ساقتاۋعا ءوز ۇلەسىن قوستى. ۇيىمداستىرۋشىلاردىڭ ايتۋىنشا, مۇنداي باستامانىڭ باستى ماقساتى – قالانىڭ سانيتارلىق جاعدايىن جاقسارتۋ عانا ەمەس, تۇرعىندار اراسىندا ەكولوگيالىق مادەنيەتتى قالىپتاستىرىپ, قورشاعان ورتاعا جاۋاپكەرشىلىكپەن قاراۋدى دارىپتەۋ.
«بۇگىن «تازا قازاقستان» ەكولوگيالىق باستاماسى اياسىندا «استانا جاستارى» ۇيىمى الماتى اۋدانى اكىمدىگىمەن بىرلەسىپ, سەنبىلىك وتكىزىپ جاتىر. ءىس-شارانىڭ نەگىزگى ماقساتى – ەلوردامىزدىڭ تازالىعىن ساقتاۋعا ۇلەس قوسۋ جانە تۇرعىندار اراسىندا قورشاعان ورتاعا ۇقىپتى قاراۋ مادەنيەتىن قالىپتاستىرۋ. قالانىڭ تازالىعى ءاربىر ازاماتتىڭ ورتاق جاۋاپكەرشىلىگى. وسى ارقىلى استانالىقتاردى قالانى تازا ۇستاۋعا ۇندەگىمىز كەلەدى. سونىمەن قاتار, ەرىكتىلەردىڭ بەلسەندىلىگىن ارتتىرۋ ءۇشىن تازالىق جۇمىسىن ءتۇرلى ويىنمەن جانە تانىمدىق ادىستەرمەن ۇشتاستىرىپ, سەنبىلىكتى ەرەكشە فورماتتا ۇيىمداستىردىق», دەدى «استانا جاستارى» جاستار رەسۋرستىق ورتالىعىنىڭ ءبولىم باسشىسى سۇلتان ومىرعاليەۆ.
Astana Half Marathon قاتىسۋشىلارى «تازا قازاقستان» اكتسياسىن قولداپ, پلوگگينگ وتكىزدى
سەنبىلىككە قاتىسقان جاستار مۇنداي جۇمىستاردىڭ قوعام ءۇشىن ماڭىزى زور ەكەنىن اتاپ ءوتتى. ولاردىڭ پىكىرىنشە, قالانىڭ تازالىعى ءار تۇرعىننىڭ مادەنيەتى مەن جاۋاپكەرشىلىگىنەن باستالادى.
«Astana Jastary ۆولونتەرلىك ۇيىمىنىڭ قاتارىنا قوسىلعانىما ءبىر جىلعا جۋىق ۋاقىت بولدى. وسى ارالىقتا ءتۇرلى ەكولوگيالىق جانە قوعامدىق ءىس-شاراعا بەلسەندى قاتىسىپ كەلەمىن. بۇگىنگى سەنبىلىككە دە جازعى دەمالىسىمىزدى پايدالى وتكىزىپ, قالامىزدىڭ تازالىعىنا ۇلەسىمىزدى قوسۋ ءۇشىن كەلدىك. ءبىز شاشىلعان قوقىستى جيناپ قانا قويماي, قورشاعان ورتاعا ۇقىپتى قاراۋدىڭ ماڭىزىن ناسيحاتتاۋعا تىرىسامىز. استانانىڭ تازالىعى – تەك كوممۋنالدىق قىزمەتتىڭ ەمەس, ءاربىر تۇرعىننىڭ ورتاق جاۋاپكەرشىلىگى. سوندىقتان ءار ازامات قورشاعان ورتانى تازا ۇستاپ, قوقىس تاستاماۋدى ادەتكە اينالدىرۋى قاجەت دەپ ويلايمىن», دەدى Astana Jastary ۆولونتەرلىك ۇيىمىنىڭ مۇشەسى ءابىلمانسۇر ءامىرحان.
ەرلان قارين: «تازا قازاقستان» جالپىۇلتتىق قوعامدىق قوزعالىسقا اينالدى
ايتا كەتەيىك,ء ماجىلىس دەپۋتاتى «تازا قازاقستان» جالپىۇلتتىق قوزعالىسىن قۇرۋدى ۇسىندى.