وپەك+ ەلدەرى مۇناي ءوندىرۋ كولەمىن تاۋلىگىنە 188 مىڭ باررەلگە ارتتىرۋ تۋرالى شەشىم قابىلدادى. جاڭا وزگەرىستەر 2026 جىلدىڭ شىلدە ايىنان باستاپ كۇشىنە ەنەدى, دەپ حابارلايدى Egemen.kz.
قابىلدانعان شەشىمگە سايكەس, مۇناي ءوندىرۋدىڭ جاڭا كورسەتكىشتەرى تومەندەگىدەي بولماق:
قازاقستان – تاۋلىگىنە 1,608 ميلليون باررەل; ساۋد ارابياسى – تاۋلىگىنە 10,353 ميلليون باررەل; رەسەي – تاۋلىگىنە 9,824 ميلليون باررەل.ۇيىمنىڭ مالىمدەمەسىندە قاتىسۋشى ەلدەر مۇناي نارىعىنداعى جاعدايدى باقىلاۋدى جالعاستىراتىنىن, قاجەت بولعان جاعدايدا قابىلدانعان شەشىمدەردى قايتا قاراۋى مۇمكىن ەكەنى ايتىلعان.
بىرىككەن اراب امىرلىكتەرى وپەك ۇيىمدارىنان شىعاتىنىن مالىمدەدى
ايتا كەتەيىك, قازاقستاندا مۇناي ءوندىرۋ كولەمى سوڭعى جىلدارى ايتارلىقتاي ءوستى. ەگەر 2010 جىلى ەلدە شامامەن 80 ملن توننا مۇناي وندىرىلسە, بۇگىندە بۇل كورسەتكىش 100 ملن تونناعا جۋىقتاعان. اسىرەسە تەڭىز, قاشاعان جانە قاراشىعاناق كەن ورىندارىنىڭ دامۋى ءوندىرىس كولەمىنىڭ ارتۋىنا ىقپال ەتتى.
ەسكە سالا كەتەيىك, بۇعان دەيىن پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين وپەك-تەگى وزگەرىستەردىڭ ەل ەكونوميكاسىنا ايتارلىقتاي اسەر ەتە قويمايتىنىن اتاپ وتكەن بولاتىن.