الماتىلىق مانسۋر-سويور دوسانوۆ University of California, Berkeley ۋنيۆەرسيتەتىنە ماتەماتيكا جانە فيزيكا باعىتى بويىنشا وقۋعا قابىلداندى, دەپ جازادى Egemen.kz.
اقش ۋنيۆەرسيتەتتەرىنە تۇسۋگە دايىندىقتى مانسۋر 2023 جىلى باستادى. وقۋعا ءتۇسۋ ءۇشىن قاجەت SAT حالىقارالىق ەمتيحانىنىڭ قورىتىندىسى بويىنشا ول 1600 مۇمكىن بالدىڭ 1530-ىن جينادى. سونىمەن قاتار مانسۋر اعىلشىن ءتىلى بويىنشا حالىقارالىق IELTS ەمتيحانىنان 8.5 بالل الدى. بۇل ناتيجەلەر − كوپجىلدىق ەڭبەكتىڭ, ۇزدىكسىز وقۋ مەن ءتارتىپتىڭ, سونداي-اق ءوزىن-ءوزى دامىتۋعا باعىتتالعان تۇراقتى جۇمىستىڭ جەمىسى.
مانسۋر ءومىرىنىڭ العاشقى كۇندەرىنەن باستاپ تسەرەبرالدى سال اۋرۋى دياگنوزىمەن ءومىر ءسۇرىپ كەلەدى. قيىندىقتارعا قاراماستان, ول ءبىلىم الىپ, دامىپ, ءوز ماقساتتارىنا سەنىمدى تۇردە ۇمتىلدى. مانسۋردىڭ وقيعاسى ينكليۋزيۆتى ءبىلىم بەرۋدى دامىتۋدىڭ جانە ءار بالانىڭ ءوز الەۋەتىن اشۋىنا مۇمكىندىك بەرەتىن جاعداي جاساۋدىڭ قانشالىقتى ماڭىزدى ەكەنىن كورسەتەدى.
ەلوردالىق وقۋشى گارۆارد ۋنيۆەرسيتەتىنە وقۋعا ءتۇستى
ونىڭ جەتىستىكتەرىندە وتباسىنىڭ قولداۋى ەرەكشە ءرول اتقاردى. مانسۋردىڭ اتا-اناسى ۇلىن ءار كەزەڭدە قولداپ, ونىڭ دامۋىنا بارلىق جاعدايدى جاساپ كەلەدى.
مانسۋر جۇزۋمەن اينالىسادى, اسپازدىققا قىزىعادى جانە ساكسوفوندا وينايدى. مۋزىكالىق اسپاپتى مەڭگەرۋ مەن وقۋعا تۇسۋگە دايىندالۋ ودان ۇلكەن ەرىك-جىگەردى تالاپ ەتتى.
بۇگىندە ونىڭ جەتىستىگى وتباسىنىڭ قولداۋى, جۇيەلى ەڭبەك پەن بىلىمگە ۇمتىلىس ۇلكەن ماقساتتارعا جەتۋگە مۇمكىندىك بەرەتىنىنىڭ جارقىن ۇلگىسى بولىپ وتىر.
گارۆاردتى باعىندىرعان قاراكوز نەمەسە قازاقستان ءبىلىمىنىڭ جاڭا كەزەڭى
University of California, Berkeley − الەمدەگى جەتەكشى زەرتتەۋ ۋنيۆەرسيتەتتەرىنىڭ ءبىرى. بۇل وقۋ ورنىمەن ونداعان نوبەل سىيلىعىنىڭ لاۋرەاتتارى بايلانىستى, ال ونىڭ عىلىمي مەكتەبى ماتەماتيكا, فيزيكا, ينجەنەريا جانە كومپيۋتەرلىك عىلىمدار سالالارىنداعى ەڭ مىقتى مەكتەپتەردىڭ ءبىرى سانالادى. Berkeley ۋنيۆەرسيتەتىنە ءتۇسۋ اقش ۋنيۆەرسيتەتتەرى اراسىنداعى ەڭ جوعارى باسەكەلى قابىلداۋلاردىڭ ءبىرى بولىپ ەسەپتەلەدى.
ايتا كەتەيىك, ەلوردالىق وقۋشى گارۆارد ۋنيۆەرسيتەتىنە وقۋعا ءتۇستى.