لۋۆر مۋزەيىندەگى اتىشۋلى ۇرلىق تۋرالى فيلم تۇسىرىلەدى

رەجيسسەر قازىردىڭ وزىندە ستسەناريستەر سيمون جاكە مەن مۋراد ۆينتەرمەن بىرگە جۇمىس ىستەي باستاعان. قازىر ءفيلمنىڭ رەسمي اتاۋى دا, پروكاتقا شىعۋ كۇنى دە جاريالانعان جوق. الايدا ينسايدەرلەر پرەمەرا 2028 جىلى ءوتۋى مۇمكىن دەپ بولجايدى.

رومەن گاۆراس «افينا» جانە «الەم سەنىكى» («مير پرينادلەجيت تەبە») فيلمدەرىمەن, سونداي-اق كانە ۋەست, M.I.A. جانە Jay-Z ءۇشىن تۇسىرگەن كليپتەرىمەن تانىمال.

ەسكە سالساق, 2025 جىلدىڭ قازانىندا قاراقشىلار لۋۆر مۋزەيىنىڭ جوعارعى قاباتىنداعى فرانتسۋز كورولدىك اشەكەيلەرى ساقتالعان اپوللون گالەرەياسىن توناعان.

قاسكويلەر جۇك كولىگىنە ورناتىلعان باسپالداق ارقىلى تەرەزەدەن كىرىپ, جوعارى دەڭگەيدە قورعالعان ەكى ۆيترينانى بۇزىپ اشقان. ولار توعىز ەكسپوناتتى, سونىڭ ىشىندە پاتشايىمدار ماريا-امەليا مەن گورتەنزياعا تيەسىلى گاۋھار مەن ساپفيردەن جاسالعان اشەكەيلەر جيىنتىعىن ۇرلاپ كەتكەن.

ۇرلانعان زەرگەرلىك بۇيىمداردىڭ قۇنى باستاپقىدا شامامەن 88 ميلليون ەۋروعا باعالانعان.

كەيىننەن جەرگىلىكتى باق لۋۆرداعى ۇرلىقتىڭ قاۋىپسىزدىككە قاتىستى بولعانىن جازدى. بەينەباقىلاۋ سەرۆەرلەرىنىڭ قۇپياسوزى «Louvre» ءسوزى بولعان, ال قاۋىپسىزدىك جۇيەسى ءالى 2003 جىلعى باعدارلامالىق جاساقتامامەن جۇمىس ىستەگەن. وسىدان سوڭ قازاقستانداعى بارلىق مۋزەيلەردە قاۋىپسىزدىك تالاپتارىنا قاتىستى تەكسەرۋ جۇرگىزىلگەن بولاتىن.