بيىل استانادا جاساندى ينتەللەكت ۋنيۆەرسيتەتى اشىلادى. جاڭا وقۋ ورنى Alem.ءاى (ەكسپو) بازاسىندا ورنالاسادى. ۋنيۆەرسيتەت 1500 ستۋدەنتكە لايىقتالعان, دەپ حابارلايدى Egemen.kz.
ستۋدەنتتەر ۇلتتىق جاساندى ينتەللەكت ينفراقۇرىلىمىنا, سونىڭ ىشىندە alem.cloud, AlemLLM جانە Astana Hub رەسۋرستارىنا قول جەتكىزە الادى.
«جي ۋنيۆەرسيتەتى 2026 جىلدىڭ قىركۇيەك ايىنان باستاپ ماگيستراتۋرا باعدارلاماسى بويىنشا وقىتۋدى جوسپارلاپ وتىر. باكالاۆريات جانە دوكتورانتۋرا باعدارلامالارىن اشۋ ماسەلەسى قوسىمشا پىسىقتالادى», دەيدى عىلىم جانە جوعارى ءبىلىم مينيسترلىگىنىڭ ءباسپاسوز قىزمەتى.
مينيسترلىك مالىمەتىنشە, ۋنيۆەرسيتەت شەتەلدىك ستۋدەنتتەردى قابىلداۋدى جوسپارلاپ وتىر. وسى باعىتتا كوپتىلدى وقىتۋ جۇيەسىن, شاكىرتاقىمەن قولداۋ باعدارلامالارىن جانە شەتەلدىك تالاپكەرلەرگە ارنالعان كاسىبي باعدار بەرۋ قىزمەتىن قامتيدى.
«كادرلاردى دايارلاۋ جاساندى ينتەللەكت, اقپاراتتىق-كوممۋنيكاتسيالىق تەحنولوگيالار, اقپاراتتىق قاۋىپسىزدىك, AI+X جانە باسقا دا ساباقتاس باعىتتار بويىنشا جۇزەگە اسىرىلادى. ءبىلىم بەرۋ باعدارلامالارى جاساندى ينتەللەكت تەحنولوگيالارىن ەكونوميكانىڭ ءتۇرلى سالالارىندا قولدانۋعا باعدارلانادى», دەلىنگەن مينيسترلىكتىڭ اقپاراتىندا.
ۋنيۆەرسيتەتتىڭ پروفەسسورلىق-وقىتۋشىلىق قۇرامى ءبىلىم بەرۋ باعدارلامالارىنىڭ دامۋى مەن ءبىلىم الۋشىلار كونتينگەنتىنىڭ ۇلعايۋىن ەسكەرە وتىرىپ, كەزەڭ-كەزەڭىمەن قالىپتاستىرىلادى. وسى ماقساتتا وتاندىق جانە شەتەلدىك وقىتۋشىلاردى, ۆيزيت-پروفەسسورلاردى, سونداي-اق حالىقارالىق اكادەميالىق جانە كاسىبي تاجىريبەسى بار مامانداردى تارتۋ جوسپارلانىپ وتىر.
جي داۋىرىندەگى مەكتەپ: وقۋشىلارعا پايداسى مەن قاۋپى قانداي؟
مينيسترلىك مالىمەتىنشە, قازىرگى تاڭدا ۋنيۆەرسيتەتكە ناقتى مەملەكەتتىك گرانت بولىنگەن جوق. تەگىن وقۋ تەك سەرىكتەستىك كەلىسىمدەر مەن دەمەۋشىلىك گرانتتار شەڭبەرىندە قاراستىرىلعان.
الەمدىك ساراپشى لي كاي فۋ الماتىدا جي بويىنشا ساباق وتكىزدى
ايتا كەتەيىك, الماتىدا الەمدىك دەڭگەيدەگى Innotech ۋنيۆەرسيتەتى اشىلدى. بۇل جوبا مەملەكەت باسشىسىنىڭ اقش-قا ساپارى بارىسىندا قول جەتكىزىلگەن كەلىسىمدەردىڭ ناتيجەسىندە جۇزەگە اسىپ وتىر.