مەملەكەت باسشىسى بىلتىرعى جولداۋىندا ەلىمىزدە جۇك تاسىمالدايتىن وتاندىق اۋە كومپانياسىن قۇرۋدى تاپسىرعان بولاتىن. ۇكىمەت وتىرىسىندا پرەمەر-مينيستر ولجاس بەكتەنوۆ العاشقى جۇك بورتى قاشان ىسكە قوسىلاتىندىعىن ايتتى, دەپ حابارلايدى Egemen.kz.
ۇكىمەت باسشىسىنىڭ سوزىنشە, اتالعان باعىتتاعى جۇمىستار قاتاڭ باقىلاۋعا الىنعان.
«مەملەكەت باسشىسى جۇك تاسىمالدايتىن وتاندىق اۋە كومپانياسىن قۇرۋدى تاپسىردى. بۇل جوبا قازىرگى تاڭدا جۇزەگە اسىرىلىپ جاتىر. بيىل قازان ايىندا العاشقى جۇك بورتى قازاقستانعا جەتكىزىلۋگە ءتيىس. كولىك مينيسترلىگى وسى ماسەلەنى ەرەكشە باقىلاۋدا ۇستاسىن», دەدى ولجاس بەكتەنوۆ.
جيىندا شقو اكىمى نۇرىمبەت ساقتاعانوۆ زايسان مەن كاتونقاراعاي كۋرورتتىق ايماقتارىنداعى اۋەجاي قۇرىلىستارىنىڭ قاشان اياقتالاتىنىن اتادى. سونداي-اق قازاقستاننان توكيو مەن نيۋ-يورككە تىكەلەي اۋە رەيستەرى قاشان اشىلاتىندىعىن جازعان بولاتىنبىز.