مەملەكەت باسشىسىنىڭ تاپسىرماسى اياسىندا شىعىس قازاقستان وبلىسىنىڭ زايسان جانە كاتونقاراعاي اۋداندارىندا اۋەجايلار قۇرىلىسى جوسپارلى تۇردە جالعاسىپ جاتىر, دەپ حابارلايدى Egemen.kz.
نىساندار تۋريستىك ينفراقۇرىلىمدى دامىتۋعا جانە ءوڭىردىڭ كولىكتىك قولجەتىمدىلىگىن ارتتىرۋعا باعىتتالعان. ۇكىمەت وتىرىسىندا جوبالاردىڭ جۇزەگە اسىرىلۋ بارىسى تۋرالى وبلىس اكىمى نۇرىمبەت ساقتاعانوۆ باياندادى.
زايسان اۋەجايى بويىنشا دايىندىق دەڭگەيى 76%-دى قۇرايدى. اۋەايلاق بولىگىنىڭ قۇرىلىسى تولىق كولەمدە اياقتالدى. قازىرگى ۋاقىتتا عيماراتتار سالۋ, ينجەنەرلىك ينفراقۇرىلىم تارتۋ, اۆتوموبيل جولدارىن جانە پەريمەترلىك قورشاۋدى ورناتۋ جۇمىستارى جالعاسىپ جاتىر.
قازاقستاندا اۆياتسيا سالاسىنا بولىنەتىن گرانتتار سانى ارتتى
كاتونقاراعاي اۋەجايىنىڭ دايىندىق دەڭگەيى 55%-دى قۇرايدى. جاساندى ۇشۋ-قونۋ جولاعىنىڭ اسفالتبەتون جابىنىنىڭ ەكىنشى قاباتىن توسەۋ, عيماراتتار سالۋ, ينجەنەرلىك جەلىلەر جۇرگىزۋ, اۆتوموبيل جولدارىن جانە پەريمەترلىك قورشاۋدى ورناتۋ جۇمىستارى جالعاسىپ كەلەدى. نىساندى تاپسىرۋ قىركۇيەك ايىنا جوسپارلانعان.وسى جىلى ەكى اەرودرومدى دا تولىق پايدالانۋعا بەرۋ جانە سەرتيفيكاتتاۋ كۇتىلىپ وتىر.
«اۋە كومپانيالارىن تارتۋ جانە مارشرۋتتىق جەلىنى قالىپتاستىرۋ بويىنشا جۇمىستار جۇرگىزىلۋدە. جاڭا اۋەجايلار بويىنشا ءبىرىنشى كەزەڭدە وسكەمەن, الماتى جانە استانا قالالارىنا ىشكى اۋە قاتىناسىن ۇيىمداستىرۋ, كەيىننەن حالىقارالىق باعىتتاردى پىسىقتاۋ جوسپارلانىپ وتىر. اتالعان ءىس-شارالاردى ىسكە اسىرۋ جولاۋشىلار اعىنىن جىلىنا 100 مىڭ جولاۋشىعا ارتتىرۋعا – 700 مىڭنان 800 مىڭ جولاۋشىعا دەيىن, زاماناۋي تۋريستىك ينفراقۇرىلىمدى دامىتۋعا, ىشكى جانە سىرتتان كەلۋ تۋريزم سالاسىنا ينۆەستيتسيالار تارتۋدى قامتاماسىز ەتۋگە مۇمكىندىك بەرەدى», دەدى وبلىس اكىمى.وسىعان دەيىن قازاقستاننان توكيو مەن نيۋ-يورككە تىكەلەي اۋە رەيستەرىن اشۋ مەرزىمدەرى بەلگىلى بولعاندىعى جونىندە حابارلادىق. ۇكىمەت وتىرىسىندا بۇل ماسەلەنى ولجاس بەكتەنوۆ كوتەرىپ, حالىقارالىق باعىتتاردىڭ كەشىگۋ سەبەبىن سۇرادى.