قىزىلوردا قالاسىندا قۇتقارۋشىلار تەرەزەدەن قۇلاپ كەتكەلى تۇرعان بالانى قۇتقارىپ قالدى, دەپ حابارلايدى Egemen.kz.
قىزىلوردا قالاسى چايكوۆسكي كوشەسىندە بەس قاباتتى تۇرعىن ءۇيدىڭ ءۇشىنشى قاباتىنداعى پاتەر تەرەزەسىندە كىشكەنتاي بالانىڭ وتىرعانى جانە ونىڭ قۇلاپ كەتۋ قاۋپى بار ەكەنى تۋرالى حابارلاما تۇسكەن.
وقيعا ورنىنا جەدەل جەتكەن قۇتقارۋشىلار ءۇش ءيىندى ساتىنىڭ كومەگىمەن اشىق تەرەزە ماڭىندا تۇرعان بالانى قۇتقارىپ الدى.
«وقيعا كەزىندە پاتەردىڭ ەسىگى ق ۇلىپتاۋلى بولعان, اتا-اناسى ۇيدە بولماعان. شامامەن 4 جاستاعى بالا پوليتسيا قىزمەتكەرلەرىنە تاپسىرىلدى», دەلىنگەن اقپاراتتا.
توتەنشە جاعدايلار مينيسترلىگى اتا-انالارعا كىشكەنتاي بالالاردى قاراۋسىز قالدىرماۋدى جانە تەرەزەلەرگە ارنايى قورعانىس قۇرالدارىن ورناتۋدى ەسكەرتەدى.
ەسكە سالايىق, بىلتىر استانادا 14 بالا تەرەزەدەن قۇلاپ, كوز جۇمعان.