قازاقستان اۋەجايلارىندا ىشكى رەيستەردە تولقۇجاتتاردى باقىلاۋ ۋاقىتىن 3 مينۋتتان 50 سەكۋندقا دەيىن قىسقارتاتىن Q-Gate تسيفرلىق جۇيەسىن قولدانۋ اياسى كەڭەيىپ جاتىر, دەپ حابارلايدى Egemen.kz.
جۇيە قازىر استانا جانە الماتى اۋەجايلارىنداعى 16 تەرمينالدا جۇمىس ىستەيدى. جىل سوڭىنا دەيىن شىمكەنت, اتىراۋ, اقتوبە جانە اقتاۋ قالالارىندا تاعى 16 تەرمينالعا ورناتىلادى.
كەلەسى كەزەڭ استانا مەن شىمكەنت اراسىنداعى ىشكى رەيستەردە بيومەتريالىق جۇيەنى قولدانۋ بويىنشا پيلوتتىق جوبا بولماق.
تسيفرلاندىرۋ اۋە جۇكتەرىن تاسىمالداۋعا دا اسەر ەتەدى. جاڭا e-Freight اقپاراتتىق جۇيەسى اۋە جۇكتەرىن وڭدەۋدى تولىعىمەن ەلەكتروندى تۇردە بەرۋگە مۇمكىندىك بەرەدى.
بۇل جۇكتى وڭدەۋ ۋاقىتىن ءبىر كۇننەن ءبىر ساعاتقا دەيىن قىسقارتادى.
بۇعان دەيىن استانا قالاسىندا 2035 جىلعا دەيىن ەكىنشى اۋەجاي سالىناتىنى تۋرالى جازدىق.