اقتوبە وبلىسىنداعى تەمىر قالاسىنىڭ تۇرعىندارى باستاما كوتەرىپ, ەلدى مەكەنگە قالا ەمەس, اۋىل مارتەبەسىن بەرۋدى سۇراپ وتىر, دەپ حابارلايدى Egemen.kz.
تۇرعىنداردىڭ ايتۋىنشا, قازىرگى قالا مارتەبەسى مەملەكەتتىك باعدارلامالارعا قاتىسۋعا جانە جاس مامانداردى تارتۋعا كەدەرگى كەلتىرىپ وتىر.
1870 جىلى قاراقامىس اتاۋىمەن نەگىزى قالانعان تەمىر كەزىندە ءىرى ساۋدا ورتالىعى بولعان. مۇندا تاشكەنت, بۇحارا, ۋفا, ورىنبور جانە ورسك قالالارىنان كوپەستەر كەلگەن. قالانىڭ باي تاريحىنان XIX عاسىردىڭ سوڭى مەن XX عاسىردىڭ باسىنداعى تاريحي عيماراتتار ءالى كۇنگە دەيىن ساقتالعان.
سولاردىڭ قاتارىندا ەسكى مەشىت, شىركەۋ جانە 1895 جىلى سالىنعان ءۇي بار. جەرگىلىكتى تۇرعىنداردىڭ ايتۋىنشا, 1918 جىلى بۇل ۇيدە قوعام جانە ساياسي قايراتكەر مۇستافا شوقاي قىسقا ۋاقىت تۇرعان.
قازىرگى تاڭدا تەمىردە مەكتەپ, ەكى بالاباقشا جانە دارىگەرلىك امبۋلاتوريا جۇمىس ىستەيدى. دەگەنمەن, تۇرعىندار جاس مامانداردى تارتۋ قيىنداپ بارا جاتقانىن ايتادى.
«جاستار كونكۋرستارعا ونشا بەلسەندى قاتىسپايدى. بىزدە قالا مارتەبەسى بولعاندىقتان وتە از ادام جۇگىنەدى. سەبەبى اۋىل مەن قالا اراسىندا جالاقىدا ايىرماشىلىق بار», دەپ ءتۇسىندىردى مەكتەپ ديرەكتورى ساندۋعاش تاسباۋوۆا.
سونداي-اق ول قالا مارتەبەسىنە بايلانىستى تەمىر تۇرعىندارىنىڭ اۋىلدارعا ارنالعان كەيبىر مەملەكەتتىك باعدارلامالارعا قاتىسا الماي وتىرعانىن اتاپ ءوتتى.
الماتىدا 5%-دىق يپوتەكا بەرىلەدى: جاستارعا ارنالعان باعدارلامانىڭ شارتتارى قانداي؟
ەسكە سالا كەتەيىك, بۇعان دەيىن سوڭعى بەس جىلدا 4 مىڭنان استام بىلىكتى مامان ەلدەن كەتكەنىن جازعان ەدىك.