الەۋمەتتىك جەلىلەردە الماتى اسپانىندا ۇشىپ جۇرگەن بەلگىسىز اپپاراتتىڭ ۆيدەوسى تارادى. جاڭادان قۇرىلعان الاتاۋ قالاسىنىڭ ماڭىندا تۇسىرىلگەن كادرلار جەلى قولدانۋشىلارى اراسىندا قىزۋ تالقىلانىپ جاتىر, دەپ حابارلايدى Egemen.kz.
قالا اكىمدىگىنىڭ مالىمەتىنشە, سىناقتار قازاقستان مەن ورتالىق ازياداعى العاشقى دەمونستراتسيالىق ۇشۋعا دايىندىق اياسىندا جۇرگىزىلىپ جاتىر.
ۆەدومستۆو مۇنداي اۋقىمدى شارا كەزەڭ-كەزەڭىمەن دايىندىقتى, تەحنولوگيالاردى سىناقتان وتكىزۋدى جانە بارلىق قاۋىپسىزدىك جۇيەسىن تەكسەرۋدى تالاپ ەتەتىنىن اتاپ ءوتتى.
سونداي-اق اكىمدىك بارلىق ۇشۋلار ۋاكىلەتتى ورگاندارمەن كەلىسىلگەنىن جانە قاۋىپسىزدىك تالاپتارىن ساقتاي وتىرىپ جۇرگىزىلىپ جاتقانىن حابارلادى.
ەسكە سالا كەتەيىك, بىلتىر پرەزيدەنت الاتاۋ قالاسىن زاماناۋي تسيفرلى ورتالىققا اينالدىرۋ جونىندە باستاما كوتەرگەن بولاتىن. جۋىردا مەملەكەت باسشىسى قالانىڭ قۇقىقتىق مارتەبەسىن ايقىندايتىن زاڭ جوباسىنا قول قويدى.