يران پرەزيدەنتى ماسۋد پەزەشكيان تەگەراننىڭ ەشقانداي كۇشكە باس يمەيتىنىن مالىمدەدى. ول ەلدى زىمىران, بومبا نەمەسە اسكەري ۇشاقتار ارقىلى باعىندىرۋ مۇمكىن ەمەس ەكەنىن اتاپ ءوتتى, دەپ حابارلايدى Egemen.kz.
ء«بىز بەرىلمەيمىز», دەدى يران پرەزيدەنتى.
سونىمەن بىرگە ول يراننىڭ كەلىسسوزدەردى ابىرويمەن جۇرگىزىپ جاتقانىن اتاپ ءوتتى.
ء«بىزدىڭ قۇقىعىمىز, ءۋاجىمىز سونداي-اق دالەلدەرىمىز بار. ءبىز ەلىمىزدىڭ قۇقىقتارىن تاباندى تۇردە قورعاي الامىز جانە حالقىمىزدىڭ قولداۋىمەن ونى قورعاۋدى جالعاستىرامىز», دەدى ماسۋد پەزەشكيان.
بۇعان دەيىن اقش پەن يران كەلىسسوزدى قايتا باستاۋ ءۇشىن جاڭا تالاپتارىن ۇسىنعان بولاتىن. تەگەران سوعىستى توقتاتۋدى, سانكتسيالاردى الىپ تاستاپ, اكتيۆتەردى بۇعاتتان شىعارۋدى, كەلتىرىلگەن شىعىن ءۇشىن وتەماقى تولەۋدى جانە ورمۇز بۇعازىنداعى يران ۇستەمدىگىن مويىنداۋدى تالاپ ەتكەن.
ال ۆاشينگتون يراننان اقش-قا قاتىستى وتەماقى تالاپتارىنان تولىق باس تارتۋدى سۇراعان. سونىمەن قاتار امەريكالىق تاراپ شامامەن 400 كەلى بايىتىلعان ۋراندى اقش-قا بەرۋدى جانە ەلدەگى يادرولىق نىسانداردىڭ تەك ءبىر كەشەنىنىڭ عانا جۇمىس ىستەۋىن تالاپ ەتىپ وتىر.
ەكى ەل اراسىنداعى ۋاقىتشا بىتىمگە قاراماستان, مامىردا تاراپتار قايتادان ءوزارا سوققى جاساپ, كەلىسسوزدەردىڭ قايتا جاندانۋ مۇمكىندىگىن شيەلەنىستىرىپ جىبەرگەن ەدى.