قاراعاندى وبلىسىنداعى كوكپەكتى ستانتسياسىندا قايعىلى جول اپاتى بولدى. پوليتسيانىڭ مالىمەتىنشە, Enduro ماركالى موتوتسيكل تىزگىندەگەن 17 جاستاعى ءجاسوسپىرىم سەگىز جاستاعى قىزدى قاعىپ كەتكەن. اۋىر جاراقات العان بالا وقيعا ورنىندا كوز جۇمدى, دەپ حابارلايدى Egemen.kz.
موتوتسيكل جۇرگىزۋشىسى دە جاراقات الىپ, اۋرۋحاناعا جەتكىزىلگەن.
اتالعان جول-كولىك وقيعاسىنا بايلانىستى قىلمىستىق ءىس قوزعالدى. سونىمەن قاتار, ءجاسوسپىرىمنىڭ اتا-اناسىنا قاتىستى تەرگەۋ باستالدى. ولار كولىك جۇرگىزۋ قۇقىعى جوق ادامعا موتوتسيكل باسقارۋعا رۇقسات بەردى دەگەن كۇدىككە ىلىنگەن. تەرگەۋ نۇسقاسى بويىنشا, بۇل ابايسىزدا ادام ولىمىنە اكەلگەن.
قاراعاندى وبلىسى پوليتسيا دەپارتامەنتى قاۋىپسىزدىككە سالعىرت قاراۋ ورنى تولماس قايعىعا سوقتىرۋى مۇمكىن ەكەنىن ەسكەرتتى.
ايتا كەتەيىك, بۇعان دەيىن الماتى وبلىسىنداعى كولىك تىزگىندەگەن ءجاسوسپىرىم 12 جاستاعى بالانى قاعىپ كەتكەن ەدى.
اقتاۋداعى 27-شاعىناۋداندا پوليتسيا قىزمەتكەرى باسقارعان كولىك 1,5 جاستاعى بالانى قاعىپ كەتىپ, ءسابي وقيعا ورنىندا قايتىس بولدى.