تالدىقورعاندا 20 جاستاعى ستۋدەنت كىسى قولىنان قازا تاپتى. قايعىلى وقيعا 7 مامىردا فۋتبول ماتچىن بىرگە كورىپ وتىرعان جاستار اراسىنداعى جانجالدان كەيىن بولعان. اناسىنىڭ ايتۋىنشا, 17 جاستاعى مەكتەپ وقۋشىسى ۇلىنا پىشاق سۇققان, دەپ حابارلايدى Egemen.kz.
الەۋمەتتىك جەلىدە تاراعان اقپاراتقا سايكەس, مارقۇم جاڭگىر نۇرلان ۇلى سول كۇنى دوستارىمەن فۋتبول كورۋگە بارعان. پاتەردە شامامەن ون شاقتى ادام بولعان. كەيىن جاستار اراسىندا جانجال تۋىنداپ, سوڭى قايعىلى جاعدايعا ۇلاسقان.
مارقۇمنىڭ اناسى كۇدىكتى جاڭگىرگە التى تۇستان پىشاق سۇققانىن ايتقان.
الماتىداعى ستۋدەنتتىڭ ءولىمى: قايعىلى وقيعاعا ادىلەتسىز باعالاۋ سەبەپ بولدى ما؟
اتالعان دەرەككە قاتىستى جەتىسۋ وبلىستىق پوليتسيا دەپارتامەنتى پىكىر ءبىلدىردى. ۆەدومستۆو مالىمەتىنشە, كۇدىكتى ۇستالىپ, ۋاقىتشا ۇستاۋ يزولياتورىنا قامالعان.
«وقيعانىڭ بارلىق ءمان-جايىن انىقتاۋعا باعىتتالعان جان-جاقتى ءارى وبەكتيۆتى تەرگەۋ جۇرگىزىلىپ جاتىر. زاڭناماعا سايكەس قاجەتتى تەرگەۋ جانە پروتسەسسۋالدىق ارەكەتتەر كەشەنى جۇزەگە اسىرىلىپ جاتىر. تەرگەۋ بارىسى جەتىسۋ وبلىسى پوليتسيا دەپارتامەنتى باسشىلىعىنىڭ ەرەكشە باقىلاۋىنا الىنعان», دەلىنگەن پوليتسيا حابارلاماسىندا.
قۇقىق قورعاۋ ورگاندارى تەرگەۋ مۇددەسىنە بايلانىستى وزگە اقپاراتتى جاريا ەتپەگەن.
ەسكە سالا كەتەيىك, قىزىلورداداعى «بولاشاق» مەديتسينالىق كوللەدجى جاتاقحاناسىندا ءبىرىنشى كۋرس ستۋدەنتى قازا تاپتى. مارقۇمنىڭ تۋىستارى ونىڭ ولىمىنە جۇيەلى بۋللينگ سەبەپ بولعانىن ايتىپ وتىر.
بۇعان دەيىن تالدىقورعاندا ەر ادام تانىسىن پىشاقتاپ ولتىرگەنى تۋرالى جازعانبىز.