19 مامىردا ەلىمىزدىڭ وڭتۇستىگىندە جانە باتىس بولىگىنىڭ كەي اۋماقتارىندا قاتتى جاڭبىر جاۋىپ, نايزاعاي وينايدى. سونىمەن قاتار رەسپۋبليكا اۋماعىنىڭ باسىم بولىگىندە جەل كۇشەيىپ, باتىستا شاڭدى داۋىل تۇرۋى مۇمكىن, دەپ جازادى Egemen.kz.
«قازگيدرومەت» ۇسىنعان مالىمەتكە سايكەس, استانادا كۇن الا بۇلتتى, جاۋىن-شاشىن كۇتىلمەيدى. اۋا تەمپەراتۋراسى تۇندە +6…+8°C, كۇندىز +22…+24°C شاماسىندا بولادى.
الماتىدا دا جاۋىن-شاشىنسىز, قۇبىلمالى بۇلتتى اۋا رايى ساقتالادى. تۇندە +12…+14°C, كۇندىز +22…+24°C ىستىق بولادى.
شىمكەنتتە كۇن بۇلتتى, جاڭبىر جاۋىپ, نايزاعاي كۇتىلەدى. جەلدىڭ ەكپىنى 15-20 م/س-قا دەيىن جەتەدى. اۋا تەمپەراتۋراسى تۇندە +16…+18°C, كۇندىز +26…+28°C بولادى.
جالپى مامىر ايىندا اۋا رايى قۇبىلمالى بولاتىنى تۋرالى جازعانبىز.
اقتاۋدا جاڭبىر مەن نايزاعاي بولجانعان. جەلدىڭ ەكپىنى 15-18 م/س-قا دەيىن كۇشەيەدى. كۇندىز اۋا تەمپەراتۋراسى +18…+20°C بولادى.
اتىراۋ مەن قىزىلوردادا نايزاعاي ويناپ, جاڭبىر جاۋادى. ەكى وڭىردە دە جەلدىڭ ەكپىنى 15-20 م/س-قا دەيىن جەتۋى مۇمكىن. اتىراۋدا كۇندىز +28…+30°C, قىزىلوردادا +25…+27°C ىستىق بولادى.
تاراز بەن تۇركىستاندا كۇن بۇلتتى بولىپ, جاڭبىر جاۋادى. تۇركىستاندا كۇندىزگى اۋا تەمپەراتۋراسى +26…+28°C-قا دەيىن كوتەرىلەدى.
باتىس قازاقستان وبلىسىنىڭ ورتالىعى ورالدا جاۋىن-شاشىن كۇتىلمەيدى. الايدا جەل ەكپىنى 15-20 م/س-قا دەيىن كۇشەيەدى. كۇندىز اۋا تەمپەراتۋراسى +30…+32°C-قا دەيىن ىسيدى.
سولتۇستىك جانە شىعىس وڭىرلەردە كۇن قۇبىلمالى بۇلتتى بولادى. پاۆلودار, سەمەي جانە وسكەمەندە تۇنگى تەمپەراتۋرا +1…+3°C-قا دەيىن تومەندەيدى. ال كۇندىز +13…+20°C ارالىعىندا بولادى.
جالپى, سينوپتيكتەر تۇرعىندارعا قاتتى جەل مەن نايزاعاي كەزىندە قاۋىپسىزدىك شارالارىن ساقتاۋعا كەڭەس بەرەدى.
قازاقستاندا جاز ايلارىندا اۋا رايى قانداي بولادى؟ سينوپتيكتەر بولجامى