قازاقستاندا مەملەكەتتىك قىزمەتتەردى تسيفرلاندىرۋ ناتيجەسىندە حالىققا قىزمەت كورسەتۋ ورتالىقتارىنا تۇسەتىن جۇكتەمە 35%-عا ازايعان. بۇل ءوز كەزەگىندە الداعى ۋاقتتى قىزمەتكەرلەر سانىن وڭتايلاندىرۋ ماسەلەسىن كۇن تارتىبىنە شىعارۋى مۇمكىن. بۇل تۋرالى جاساندى ينتەللەكت جانە تسيفرلىق دامۋ ۆيتسە-ءمينيسترى روستيسلاۆ كونياشكين مالىمدەدى, دەپ حابارلايدى Egemen.kz.
ۇكىمەت بريفينگىندە جاڭا تسيفرلىق سەرۆيس – جەكە كۋالىكتى ونلاين قايتا شىعارۋ كەزىندەگى فوتوسۋرەت ماسەلەسى كوتەرىلدى. كوپتەگەن ازامات ۇيدەن تۇسكەن فوتونى جۇيەنىڭ قابىلدامايتىنىنا شاعىمدانعان. ۆيتسە-مينيستر بۇل ولقىلىقتى مويىنداپ, سەبەبىن ءتۇسىندىردى:
«قىزمەت قازىر پيلوتتىق فورماتتا جۇمىس ىستەپ تۇر. فوتوسۋرەت ساپاسىن تالدايتىن جاساندى ينتەللەكت مودەلى ءالى دە وقىتۋ ساتىسىندا».
164 ملن تەڭگە شىعىن: الماتىدا جۇك كولىكتەرىن زاڭسىز تىركەگەن حقكو-نىڭ قىزمەتكەرلەرى سوتتالدى
ۆيتسە-ءمينيستردىڭ ايتۋىنشا, قازىرگى ۋاقىتتا ونلاين وتىنىشتەردىڭ تەك 50%-ى عانا ءساتتى ءوتىپ جاتىر. جۇيەنى تولىق قالىپقا كەلتىرۋ ءۇشىن تاعى بىرنەشە اي قاجەت بولۋى مۇمكىن.
«قازىردىڭ وزىندە 10-عا جۋىق ماڭىزدى مەملەكەتتىك قىزمەت تولىق تسيفرلاندىرىلدى. حقكو وپەراتورلارىنا تۇسەتىن جۇكتەمە وتكەن جىلمەن سالىستىرعاندا 30-35%-عا تومەندەدى», دەدى ول.
حقكو-لاردا كەزەك ازايدى: قانداي قىزمەتتەردى ونلاين الۋعا بولادى؟قىزمەتكەرلەردى قىسقارتۋ ماسەلەسىنە قاتىستى روستيسلاۆ كونياشكين ناقتى توقتالدى. ونىڭ ايتۋىنشا, قازىرگى ساتتە قىزمەتكەرلەردى جاپپاي جۇمىستان شىعارۋ جوسپاردا جوق. ەگەر حالىقتىڭ حقكو-عا بارۋ كورسەتكىشى ازايا بەرسە, مەملەكەت شتاتتى قىسقارتۋ ماسەلەسىنە قاراستىرۋى مۇمكىن.