ەلىمىزدىڭ باسىم بولىگىندە سۋ تاسقىنىنىڭ بەلسەندى كەزەڭى اياقتالىپ, جاعداي تۇراقتالدى. قازىرگى ۋاقىتتا وڭتۇستىك, باتىس جانە ورتالىق وڭىرلەردە قاۋىپ ايتارلىقتاي تومەندەگەن. ال سولتۇستىك قازاقستان جانە شىعىس قازاقستان وبلىستارى باقىلاۋدا تۇر, ءتيىستى مونيتورينگ ۇزدىكسىز جۇرگىزىلىپ جاتىر, دەپ جازادى Egemen.kz.
شىعىس قازاقستان وبلىسىندا سۋ تاسقىنىنىڭ العاشقى تولقىنى اياقتالدى. ال ءساۋىردىڭ ءۇشىنشى ونكۇندىگىنەن مامىردىڭ ەكىنشى ونكۇندىگىنىڭ سوڭىنا دەيىن ەكىنشى كەزەڭ كۇتىلەدى. بۇل كەزەڭ تاۋ بوكتەرىندەگى جانە ورتا تاۋلاردىڭ وڭتۇستىك بەتكەيلەرىندەگى قاردىڭ ەرۋىمەن, سونداي-اق جاۋىن-شاشىنمەن بايلانىستى. قازىرگى تاڭدا وبلىس اۋماعىنداعى قار جامىلعىسى 19% دەڭگەيىندە ساقتالعان. وڭىردە الدىن الۋ جۇمىستارى كەڭ كولەمدە جۇرگىزىلدى. اتاپ ايتقاندا, 226 شاقىرىم كانال, 504 شاقىرىم ارىق تازارتىلىپ, 4778 سۋ وتكىزۋ قۇرىلىسى مەن 409 كوپىر رەتكە كەلتىرىلدى. سونداي-اق 430 مىڭ تەكشە مەتردەن استام قار شىعارىلدى. ناتيجەسىندە 16 ەلدى مەكەندە سۋ باسۋ قاۋپى جويىلىپ, 50 ەلدى مەكەندە قاۋىپ ازايدى, ال 5 ەلدى مەكەندە قاۋىپ ساقتالىپ وتىر. بۇل – گلۋبوكوە جانە التاي اۋداندارىنداعى جالپى 813 تۇرعىنى بار 329 ءۇي.
قازىر وبلىستا گيدرولوگيالىق جاعداي تۇراقتى. وزەندەردەگى سۋ دەڭگەيى قاۋىپتى مەجەدەن تومەن, سۋ باسۋ دەرەكتەرى تىركەلمەگەن. ماماندار تاۋلىك بويى باقىلاۋ جۇرگىزىپ, تاۋلى ايماقتارداعى قار قورىن باعالاپ وتىر.
اۋعانستاندا سۋ تاسقىنى سالدارىنان 77 ادام قازا تاپتى
سولتۇستىك قازاقستان وبلىسىندا دا جاعداي تۇراقتى باقىلاۋدا تۇر. مۇندا توتەنشە جاعدايلار مينيسترلىگىنىڭ 28237 اسكەري ءبولىمىنىڭ كۇشتەرى جۇمىلدىرىلىپ, پەتروپاۆل قالاسى, زارەچنىي كەنتى جانە قىزىلجار اۋدانىنىڭ بەسكول اۋىلىندا جۇمىس جۇرگىزىپ جاتىر. قورعانىش بوگەندەرىن نىعايتۋ ءۇشىن 29 مىڭ قاپ دايىندالىپ, ونىڭ 10 800-ءى توسەلدى. سونىمەن قاتار ەسىل وزەنىنىڭ تاسقىن سۋىنىڭ اسەرىن ازايتۋ ماقساتىندا 2,5 مىڭ مەتر پوليەتيلەن توسەمى توسەلدى.
مينيسترلىك سۋ تاسقىنىنا قارسى جەدەل شتابى مۇددەلى مەملەكەتتىك ورگاندارمەن بىرلەسە جۇمىسىن جالعاستىرىپ, قابىلدانعان شارالار جاعدايدى باقىلاۋدا ۇستاۋعا مۇمكىندىك بەرىپ وتىر.
پاكىستانداعى سۋ تاسقىنىنان 17 ادام قازا تاپتى